15.03.2017 17:58
Иворъёс
Сюресъёс вылысь гопъёсты ворсаны кутскизы Удмуртиын

Сюресъёс вылысь гопъёсты ворсаны кутскизы Удмуртиын

Фото: ПРЕСС-СЛУЖБА МИНДОРТРАНСА УДМУРТИИ
Ижкар / Удмуртиын

Удмуртиысь сюресъёс вылын гопъёсты ворсаны кутскизы. Со сярысь 15-тӥ южтолэзе ивортэ элькунысь транспортъя но сюрес возёсъя министерстволэн пресс-службаез.

Али соосты асфальтобетон суретэн ворсало — сыӵе амал сюресъёсты -10 градусозь но солэсь шунытгес дыръя умоятыны луонлык сётэ.

«Технологиез чакласа ужано ке, литой асфальт ваненыз шобретэн туж умой герӟаське. Со сяна, та сурет гопе азьвыл ик битум кисьтэмез кулэ уг кары, озьы ик солэн вылӥ наплыкез бадӟым секталаосты умойгес чида», — вераз сюресъёсты лэсьтонъя «Ижевское» предприятилэн кивалтӥсезлэн воштӥсез Сергей Акшенцев.

Сюресчиос нырысь ик гопез ньыльсэрго карыса вандо, сузяло, отысь жагзэ но луоез утялто, собере шунто но сурет кисьто. Шадрагес карон понна люкетэз асфальт пырыен шобырто.

Тудву ортчем бере сюресчиос шекъёсты векчи пырыё асфальтобетонэн ворсаны кутскозы.

Партнеры

Загрузка...
Иворъёс

Сюресъёс вылысь гопъёсты ворсан ужъёс Ижкарын южтолэзь пумын — оштолэзь кутсконын ортчозы

14.03.2017 18:14
Иворъёс

1 миллиард 300 миллион манет пала висъялозы Удмуртиысь федерал сюресъёсты азинтон понна 2017-тӥ арын

15.03.2017 11:45