Четверг, 25 мая 2017
Ижевск +16 °C
USD 56.07EUR 63.01
16.05.2017 12:09
Новости
Ижкар агломераци улсын сюресъёсты тупатъян кутскизы

Ижкар агломераци улсын сюресъёсты тупатъян кутскизы

Фото: Григорий Фомин
Ижкар / Удмуртиын

16-тӥ куартолэзе Удмуртилэн шоркараз «Кышкыттэмлыо но ӟечлыко» валтӥсь йӧскалык ӵектос улсын сюресъёсты тупатъяны кутскизы, ивортэ улосвылысь транспортъя но сюрес возёсъя министерстволэн пресс-службаез.

Ужъёсты кутско Петров но Карл Маркс урамъёсын, арня куспын сюресчиос Азин но Воткинск шоссе ульчаосты тупатъяны ӧдъялозы.

Тодэ вайытом, Ижкар агломерациын транспорт инфраструктураез азинтонъя ӵектос улсын 603 миллион манет тыр 32 иськем пала сюресъёсты (сизьым метр пасьталаем) тупатъяны чакламын вал.

Но торгъёсын 162 миллион манет коньдонэз шыръямен валче, сюресъёслэн лыдметсы будэтэмын луоз. Та дыре урамъёслэсь ватсаса лыдметсэс соглаштон мынэ. Чакланъёсъя, отчы нырысь ик пырозы со объектъёс, кудъёссэ 2018-тӥ арын тупатъяны малпамын вал, ивортэ министерстволэн пресс-службаез.

Таяз арын лыдметэ пыро Ижкарысь Пушкинской, Студенческой, Чугуевский, Вормонлы 40 ар урамъёс.

Улосвыл сюресъёсты ӵектос улсын тупатъян борды озьы ик матысь дыре басьтӥськозы — 19-тӥ куартолэзе конкурсын подрядчик быръемын луоз, со шоркарлэн палэназ ужъёсты ортчытоз.

Карсьӧр трассаос пӧлын ужарадлыкын Ижкар-Вотка, Вотка-Кельчино, Дэри-Изгурт, Сарапул-Вотка.

Партнеры

Загрузка...
Журналист утчаськомы
Иворъёс

Пешниклы сӥзем «Pest-Fest» фестивальлы дасясько Кез ёросын

15.05.2017 16:56