07.12.2017 10:53
Иворъёс
Александр Бречалов «Кышкыттэмлыко но ӟечлыко сюресъёс» ӵектосэз быдэстонъя кенешонэ пыриськиз

Александр Бречалов «Кышкыттэмлыко но ӟечлыко сюресъёс» ӵектосэз быдэстонъя кенешонэ пыриськиз

Фото: пресс-служба правительства России
Ижкар / Удмуртиын

6-тӥ толсуре Удмуртилэн тӧроез Александр Бречалов «Кышкыттэмлыко но ӟечлыко сюресъёс» валтӥсь ӵектосэз быдэстон ужпумъёслы сӥзем кенешонэ пыриськиз, сое Росси кивалтэтлэн тӧроез Дмитрий Медведев ортчытӥз. Со сярысь ивортэ улосвыл кивалтӥсьлэн пресс-службаез.

Медведевлэн верамезъя, таяз арын ӵектосъя 65 миллиард манет пала висъямын вал, со чотын 5 сюрс иськемлэсь трос сюресъёс тупатэмын. Озьы ӵектосэ пыриськем каръёслэн ӝыныезлэсь уноез сюресъёссы эсэспъёслы тупась луизы, нош кышытлыко люкетъёс 40 процентлэсь ятырлы кулэстэмын.

«Та ӵектос — ваньмызлы тупа, со туж трос улосвылъёсты огазея, угось со ужпум ваньмыз понна лэчыт луэ. <…> Автомобиль сюресъёслэсь кыӵе луэмзэс котькуд адями нуналлы быдэ чакла. Одӥгез но калыкен пумиськон сюресъёс вылэ ӝожтӥськонъёстэк уг ортчы
Дмитрий Медведев, Россиысь кивалтэтлэн тӧроез

Та ӵектосъя ужрадъёсты быдэстыны 2017-тӥ арын Удмуртиын 1 миллиард 800 миллион манет кутэмын, тупатъямын 146 иськем сюресъёс, 1,8 иськем мында ограждение лэсьтэмын, 9,5 иськем трассаос югдытэмын.

Александр Бречаловлэн верамезъя, таяз арын Удмуртия «Кышкыттэмлыко но ӟечлыко сюресъёс» ӵектосэз чакламлэсь вылтӥ быдэстӥз. 56 интые 68 объект тупатэмын: 4 — федерал сюресъёс вылын, 21 — улосвыл но 43 — интыысь.

Улосвыл тӧро пусйиз, солы луонлык нырысь ик сётӥз Удмуртиысь транспортъя но сюрес возёсъя министерствоын но сюрес возёс удысысь огазеяськонъёсын выльдӥськонъёс ортчытон.

«Кышкыттэмлыко но ӟечлыко сюресъёс» ӵектосэ пырем объектъёслэн лыдзы йылэтэмын пайдалыкез будэтон но торгъёсты ортчытон дыръя коньдонэз шыръян чотын», — верамын ивортонын.


2018-тӥ арлы чакланъёсын али 70 объектъёс пусъемын. Озьы ик нырысь-валысь лыдметэ пыризы Камбаркаысь, Сарапулысь но Воткаысь объектъёс, коньдон 20 процентлы ватсамын луиз ке.

Партнеры

Загрузка...
Иворъёс

Лымыялоз но 7 градусозь кезьыт луоз Удмуртиын 7-тӥ толсуре

07.12.2017 08:39
Иворъёс

Егит туристъёсты Удмуртие кыскон понна выль технологиосты кутоно

07.12.2017 09:42