15.03.2017 18:44
Иворъёс
Гылтӥськон висъетъёс кылдозы Ижкарысь кошкись фирменной поездъёсын

Гылтӥськон висъетъёс кылдозы Ижкарысь кошкись фирменной поездъёсын

Фото: ИА "Удмуртия"
Ижкар / Удмуртиын

Гылтӥськон висъетъёс кылдозы Ижкарысь Москвае но Санкт-Петербурге мынӥсь фирменной поездъёсын. Со сярысь журналистъёслы 15-тӥ южтолэзе вераз «Федеральной пассажирской компанилэн» Горький ёзэтэзлэн кивалтӥсез Александр Попов.

«Туэ ми фирменной поездъёсын гылтӥськон висъетъёс лэсьтӥм. Дышем сямъя, фирменной поездлэн ветлон дырыз чакламын озьы: адями ас карысьтыз ӝытазе сюрес вылэ потэ но ӵукна, кылсярысь, Москвае вуэ. Со кунокуае ветлоно медаз луы ни, гылтӥськыса, ужъя пумиськонэзлы дасяськыса, поездысь потыны но ужзэ быдэсъяны мед быгатоз», — валэктӥз Александр Попов.

Гылтӥськон висъетъёсты поездлэн штабной вагоназ лэсьтозы. Отчы котькуд мылкыд карись пассажир ветлыны быгатоз. Со понна поездэн кивалтӥсьлы куриськонэн вазиськоно. Юрттӥськетлэн дуныз 100 манет луоз.

Партнеры

Загрузка...
Иворъёс

«Бадӟым удмурт диктант» гожтонлэн дырыз тодмо луиз

15.03.2017 18:31
Иворъёс

Сюресъёс вылысь гопъёсты ворсаны кутскизы Удмуртиын

15.03.2017 17:58