16.03.2017 15:11
Иворъёс
Устозэ инвесторез быръёнъя конкурс ортчытозы Удмуртиын

Устозэ инвесторез быръёнъя конкурс ортчытозы Удмуртиын

Фото: Григорий Фомин
Ижкар / Удмуртиын

«2016-тӥ ар понна Удмурт Элькунысь устоез инвестор» вожвылъяськон ортчытозы «ошмесо шаерын». Солэн кутскемез сярысь ялӥз Инвестициосты азинтонъя агентство.

Конкурсэ пыриськыны быгато Удмуртиын инвестици ӵектосъёсы асьсэлэсь яке пунэмам коньдонзэс понэм яке понӥсь огазеяськонъёс но нимаз ужбергатӥсьёс. Со ӵектосъёс элькунлэн экономикаяз но мер улоназ бадӟым инты басьтыны кулэ.

Вормисьёсты кӧня ке ӧръёсъя пусъёзы:

 — устоез инвестор гурт возёс, пӧйшуран но со удысъёсын юрттӥськет сётӥсь удысын;

 — устоез инвестор музъем узырлыкез поттон удысын;

 — устоез инвестор лэсьтӥськон удысын;

 — устоез инвестор жилищно-коммунальной возёс удысын;

 — устоез инвестор транспорт удысын;

 — устоез инвестор герӟет но ивор вӧлмытон технологиос удысын;

 — устоез инвестор вузкарон но (яке) калыкез сюдон удысын;

 — устоез инвестици ӵектос.

Пыриськыны мылкыд карисьёслэсь куриськонъёссэс Инвестициосты азинтонъя агентство кутоз котькуд нунал (шутэтскон нуналъёсы сяна) 15-тӥ куартолэзёзь таӵе адресъя: Ижкар, Удмурт Элькунысь Кивалтэтлэн юртэз (Пушкинской урам, 214, 2-тӥ этаж, 43-тӥ кабинет). Куриськонъёсты кутон дыр: 9 часысен 11 час 30 минутозь но 13 часысен 16 час 30 минутозь.

Вожвылъяськон сярысь рос-просгес тодыны луоз (3412) 497–474 номеро телефонъя жингыртыса, Удмуртиысь Инвестициосты азинтонъя агентстволэн сайтысьтыз но элькунлэн Инвестициосъя порталысьтыз.

Партнеры

Загрузка...
Иворъёс

Спортъя Росси тол гурт шудонъёс 2019-тӥ арын Удмуртиын ортчыны быгатозы

16.03.2017 14:41