Понедельник, 26 июня 2017
Ижевск +19 °C
USD 59.00EUR 66.08
18.05.2017 15:58
Иворъёс
600-лэсь трос ужбергатӥсьёс «Лэсьтэмын Удмуртиын» форуме пыриськыны мылкыд каризы

600-лэсь трос ужбергатӥсьёс «Лэсьтэмын Удмуртиын» форуме пыриськыны мылкыд каризы

Фото: Григорий Фомин
Ижкар / Удмуртиын

Удмуртиысь, Татарстанысь но Россилэн мукет улосвылъёсысьтыз 600-лэсь трос ужбергатӥсьёс «Лэсьтэмын Удмуртиын» («Сделано в Удмуртии») форуме пыриськыны мылкыд каризы. Со сярысь элькун тӧролэн но кивалтэтлэн пресс-службазы ивортэ.

Площадкаосын вераськозы но ужез радъялозы: Россиысь экспортъя центрлэн кивалтӥсез Пётр Фрадков, Splat компаниез кылдытӥсь Евгений Дёмин, Стратеги кичӧлтонъёсъя Приволжск федерал округъя агентстволэн ыстэм муртэз Сергей Бочаров, Москваысь «Сколково» кивалтонъя школалэн президентэз Андрей Шаронов, ВТБ24 банклэн правлениезлэн ёзчиез Надия Черкасова, «Возрождение» банклэн правлениезлэн тӧроез Константин Басманов, Росси азьмуртлэн советникез Герман Клименко.

Форум дыръя, 25–26 куартолэзе, улосвыллэн инвестициосъя луонлыкъёссэ, ужбергатӥсь нылкышноос, улосвылысь вузъёсты калыккуспо вузпӧре поттон амалъёс сярысь вераськозы.

Дунтэк пыриськон понна куриськонъёсты ужрадлэн сайтаз 20-тӥ куартолэзёзь сётоно.

Ужрад Россиысь улосвылъёсын ужбергатонэз азинтонъя выль амалъёсты шедьтон понна усьтэм инты луыны кулэ. Ужанрадлыкын — стратеги сессиос, егит ужбергатӥсьёслэн пумиськонъёссы, выль ӵектосъёсын тодматон, дышетонъёс но котырес ӝӧк сьӧрын кенешонъёс.

Нялтас вераса, выль ӵектосъёсъя конкурсын вормисез калыккуспо конференцие келялозы.

Партнеры

Загрузка...
Журналист утчаськомы
Иворъёс

Удмуртиысь кошкисьёслэн лыдзы кык поллы кулэсмиз

18.05.2017 14:53