28.11.2017 14:24
Иворъёс
2018-тӥ арлы Удмуртилэн коньдэтэз нырысетӥ лыдӟемен кутэмын

2018-тӥ арлы Удмуртилэн коньдэтэз нырысетӥ лыдӟемен кутэмын

Фото: Григорий Фомин
Ижкар / Удмуртиын

28-тӥ шуркынмонэ Удмуртилэн Кун Кенешез 2018-тӥ арлы элькун коньдэт сярысь катэз нырысетӥ лыдӟемен кутӥз. Соя улосвыллэн табышъёсыз 59 миллиард 651 миллион манет луозы, уже кутоно люкетэз — 58 миллиард 445 миллион манет, технической профицитэз — 1 миллиард 206 миллион манет. Со сярысь ивортодэтъя «Удмуртия» агентстволэн корреспондентэз ивортэ.

Со понна куаразэс сётӥзы 48 депутатъёс, пумит — 4

Тодэ вайытом, кыкетӥ лыдӟонлы Удмуртилэн вуоно арлы коньдэтаз 4 миллиард 826 миллион манетлы воштонъёс пыртозы. Вытъя, но выт луисьтэм тыронъёсъя ас табышез 610 миллион манетлы будэтозы, федерал коньдэтысь берыктонтэм вылысь вуись уксёлэн быдӟалаез 4 миллиард 216 миллион манетлы йылоз. Озьыен, уже ктоно люкетэз озьы ик воштӥськоз.

2017-тӥ арлы улосвыл коньдэтэ тупатонъёс пыртэм лыдпусъёс таӵеесь: табышъёс — 64 миллиард 670 миллион манет, уже кутоно люкетэз — 66 миллиард 934 миллион манет, дефицит — 2 миллиард 264 миллион манет.

Партнеры

Загрузка...
Иворъёс

Удмуртилэн 2017-тӥ арлы коньдэтысьтыз тырмисьтэм люкетсэ 1,7 миллиард манетлы кулэстӥзы

31.10.2017 15:43
Иворъёс

Удмуртиысь кык кинотеатръёс Киноя фондысь быдэн 5 миллион манетэн басьтозы

28.11.2017 11:59