Понедельник, 23 октября 2017
Ижевск -1°C
15.05.2017 10:56
Иворъёс
Удмуртиын йӧл кыскон кылем арын сярысь 6,8 процентлы будӥз

Удмуртиын йӧл кыскон кылем арын сярысь 6,8 процентлы будӥз

Фото: Григорий Фомин
Ижкар / Удмуртиын

2017-тӥ арын толшорысен оштолэзёзь, кылем арысь та вакытэн ик ӵошатыса, Удмуртиын 6,8 процентлы тросгес йӧл кыскемын. Со сярысь ивортэ элькунысь гурт возёсъя но сиён-юонъя министерстволэн пресс-службаез.

Нырысетӥ ньыль толэзьёс ӵоже 231 сюрс 800 тонна йӧл поттэмын. Со кылем арын сярысь 14 сюрс 700 тонналы тросгес.

«Тросгес йӧл кыскыны луиз скалъёслэн лыдзы йылэмен, пудолэн пайдалыкез будэмен, но — 5 толэзь ӵоже элькунъя котькуд скаллэсь шорлыдын 17 килограммен йӧл кыскемын — кылем арен ӵошатыса, со 400 граммлы тросгес.», — пусйиз улосвылысь гурт возёсъя но сиён-юонъя министрлэн воштӥсез Евгений Шкарупа.

2017-тӥ арысь 1-тӥ куартолэзьлы, 2016-тӥ арысь та дыре ник ӵошатыса, гурт но фермер возёсъёсын 2 сюрс 297 йырлы тросгес скалъёс пусъемын. Оштолэзе 353 йырлы йылӥз.

Тодэ вайытом, таяз арын элькунын 24 сюрс пала пудолы гидъёс пуктыны чакламын.

2016-тӥ арын 44 выль гидъёс пуктӥзы но 25-сэ тупатъязы. Оглом 17 сюрс скаллы инты кылдытэмын.

2015-тӥ арысен кутскыса, Удмуртиын 2020-тӥ арозь йӧл кысконэз араз 1 миллион тоннаозь вуттонъя программа быдэсъяське. Со улсын гидъёс пуктонлы ватсаса коньдон висъяське.

Гурт возёсъёсын йӧл кысконэз будэтон ласянь рейтингын кылем арын шуркынмонэ Удмуртия Россиын куинетӥ инты басьтӥз.

Партнеры

Загрузка...