Суббота, 24 июня 2017
Ижевск +17 °C
USD 59.66EUR 66.68
14.03.2017 14:34
Иворъёс
«Куарагур» вожвылъяськонэ пыриськон понна куриськонъёсты кутон йылпумъяське

«Куарагур» вожвылъяськонэ пыриськон понна куриськонъёсты кутон йылпумъяське

Фото: vk.com (УМОО "Шунды")
Ижкар / Удмуртиын

Удмурт егитъёслэн «Шунды» огазеяськонзылэн «Куарагур» ӵектосаз пыриськыны мылкыд карисьёслэсь вазиськонъёссэс кутон йылпумъяське. Вазиськыны луэ на ӵуказеозь, 15-тӥ южтолэзёзь. Собере кырӟанъёс кылдытон бордын ужаны кутскозы. Со сярысь иворъёсъя «Удмуртия» агентстволэн корреспондентэзлы вераз «Шунды» огазеяськонлэн тӧроез Алина Чернова.

«Куарагур» — со туж бадӟым луонлык гуртъёсысь, пӧртэм дышетскон интыосысь кутскись кырӟасьёслы. «Куарагур» усьтэ выль адямиосты, выль шӧм тырше пыртыны туала удмурт эстрадае. Соин со тунсыко луэ. Егит кырӟасьёслэн потэ выль кырӟанзы, кудӥз дась, чебер аранжировкаен гожтэмын. Егит кылбурчиослэн но крезьгурчиослэн озьы ик асьсэлэн быдэстэм ужзы калыке потэ, мукет сямен усьтӥське», — шуиз Алина Чернова.

Ӵектослэн валтӥсь ужпумез луэ егит удмурт кылбурчиосты, кырӟасьёсты но крезьгур гожъясьёсты шараян, соослэсь быгатонлыкъёссэс огазеян но выль кырӟанъёс кылдытон. Вожвылъяськонэ 16-25 аресъем егитъёс пыриськыны быгато.

Черновалэн кылъёсызъя, али кырӟанъёсты дасян но кырӟасьёсты быръён люкет мынэ. Трос вазиськонъёс лыкто кырӟасьёслэсь но кылбурчиослэсь, ӧжытгес — крезьгурчиослэсь. Соос пӧлысь устооссэ дас кырӟасьёсты но дас кырӟанъёсты быръёзы. Вераны кулэ, кылбурчиос но крезьгурчиос кӧня ке кырӟанъёс гожтыны быгато, нош кырӟасьёс котькуд ар вылесь. Ӵектослэн таиз люкетэз южтолэзь пумозь мыноз.

Бӧрысь кырӟанъёсты студиын гожтозы. Со куарусёнозь кыстӥськоз. Собере ӵектослэн йылпумъясь концертэз луоз, отын тужгес устозэ кырӟасез, кылбурчиез, крезьгурчиез шараялозы. Соосты дуно кузьымъёс возьмало: тужгес усто кылбур гожтӥсьлы — бичет поттон, нош кырӟасьлы — клип гожтон. Вань пыриськисьёс но озьы ик пусъемын луозы.

Тодэ вайытом, «Куарагур» ньылетӥзэ радъяське ини. Азьвыл аръёсы тужгес усто кырӟасьёс луизы вал Алексей Пикулев, Лиана Корепанова но Ксения Ахметханова. Кылбурчи номинациын — Микаль Михайлов, Марина Пахомова но Аня Бурдина, крезьгурчиос пӧлын — Влад Степанов, Денис Неуструев, Влада Митрофанова но Иван Белослудцев.


Ӵектосэз улонэ пыӵатыны юртто Удмуртиысь Йӧскалык политикая министерство, Мугорез кыдатонъя, спортъя но егитъёсын ужанъя министерство но Калыкъёслэн эшъяськон юртсы.

Партнеры

Загрузка...
Журналист утчаськомы
Иворъёс

Витетӥез удмурт крезьгуро клип потӥз Удмуртиысь йӧскалык политикая министерство юрттэмен

29.08.2016 12:03
Иворъёс

Фото- но видеофиксаци лэсьтӥсь 170-лэсь трос огъетъёс пуктозы Удмуртиысь сюресъёс вылын 2017-тӥ арын

14.03.2017 13:21