Суббота, 24 июня 2017
Ижевск +17 °C
USD 59.66EUR 66.68
17.03.2017 10:58
Иворъёс
Йӧскалык удмурт кино сярысь вераськонэ пыриськыны ӧтё 20-тӥ южтолэзе Ижкарын

Йӧскалык удмурт кино сярысь вераськонэ пыриськыны ӧтё 20-тӥ южтолэзе Ижкарын

Фото: Григорий Фомин
Ижкар / Удмуртиын

20-тӥ южтолэзе Ижкарын «Йӧскалык удмурт кино: вань-а базмон?» котырес ӝӧк ортчоз. Со улосвыллэн шоркараз та нуналъёсы мынӥсь этнокиноя фестиваль улсын радъяське. Со сярысь ивортэмын Ижкарез азинтонъя ассоциацилэн «ВКонтакте» мерлыко вотэсысь группаяз.

Ижкарысь киноклублэн кивалтӥсез Андрей Смирнов верамъя, Удмуртиын кино лэсьтӥсьёс ӧжыт ӧвӧл, но тросэз соос ӟуч кылын ужало, «… йӧскалык удмурт кино али озьы ик вордӥськыны уг быгаты».

Котырес ӝӧк сьӧрын эскерыны ӵекто, малы озьы луэ но мар лэсьтоно удмурт кинематографез кылдытон понна. Пумиськонэ удмурт азьветлӥсьёсты, киноез яратӥсьёсты но удысужчиосты, лулчеберетъя министрез, журналистъёсты но тунсыкъяськисьёсты ӧтё.

Ужрад Ижкарез азинтонъя ассоциацилэн офисаз (Пушкинской урам, 268 номеро юрт, пыронэз МВЕУ) 18 час 30 минутэ кутскоз.

Тодэ вайытом, Россиын пуктэм этнокиноосъя фестиваль Ижкарысь «Дружба» кинотеатрын 16-тӥ-22-тӥ южтолэзе ортчоз. Отын Якутиысь, Кабардино-Балкариысь, Алтайысь, Чечняысь, Татарстанысь но Абхазиысь короткометражной, полнометражной но документальной фильмъёсты возьматозы.

17-тӥ южтолэзе 2011-тӥ арын Ижкарысь «Дружба» кинотеатрын удмурт кылын «Узы-боры» чеберлыко фильмез нырысьсэ возьматӥзы. Режиссёрез но продюсерез Польшаысь Петр Палган, сценарийзэ гожтӥз Дарали Лели. Валтӥсь рольёсты шудӥзы Константин Никитин (Максим) но Елена Фролова (Виктория Ядыгарова). Кинофильм эстон, коми, француз, немец, испан кылъёсы берыктэмын. Фейсбукысь Юмшан57 бамын ивортэмъя, «Узы-Борыез» Ютубе поттэм дырысен вить ар ортчыса, удмурт фильмез 21 261 872 пол учкемын.


Партнеры

Загрузка...
Журналист утчаськомы
Иворъёс

Инноваци творчествоя центр кылдыны быгатоз Удмуртиын

17.03.2017 09:54