Четверг, 25 мая 2017
Ижевск +16 °C
USD 56.07EUR 63.01
12.05.2017 17:56
Новости
«Киужъёсъя арня» ортчоз Удмуртиысь чеберлыко киужъёсъя йӧскалык центрын

«Киужъёсъя арня» ортчоз Удмуртиысь чеберлыко киужъёсъя йӧскалык центрын

Фото: Михаил Шустов
Ижкар / Удмуртиын

16-тӥысен 20-тӥ куартолэзёзь Удмуртиысь чеберлыко киужъёсъя йӧскалык центр лулчеберетъя но югдытосъя «Киужъёсъя арня» нырысьсэ ортчытоз. Иворъёсъя «Удмуртия» агентстволэн корреспондентэзлы со сярысь вераз киужъёсъя центрлэн кивалтӥсезлэн воштӥсез Алексей Кузнецов.

«Милям ӧсъёсмы усьтэмын луозы 10 часысен 17 часозь, котькинлы. Мылкыд карисьёс быгатозы адӟытонэз учкыны, кудӥз ке али милям мынэ - Алнаш ёросысь кибашлыослэн адӟытонзы. Собере соос быгатозы мастерскойёсамы пыраны, учкыны, кызьы кибашлыос ужало. Собере котькуд та нуналэ, 16-тӥ числоысен 20-тӥозь, мастер-классъёс ортчытъялом ми
Удмуртиысь чеберлыко киужъёсъя йӧскалык центрлэн кивалтӥсезлэн воштӥсез Алексей Кузнецов

Ужрадлэн валтӥсь ужпумез — Ижкарын улӥсьёсты но куноослы чеберлыко киужъёсъя йӧскалык центрез шутэтскыны луымон ужъюртэз сямен возьматон, элькунлэсь кылёсбурзэ утёнлы но вӧлмытонлы сӥзем ужрадъёс но программаос пыр солэсь ним-данзэ юнматон.

Элькунысь устоосыз кибашлыос вералозы но возьматозы, кызьы лэсьтоно кызьпу туйлэсь пичи арбериосты, ибырвесьёсты, сӥньысъёслэсь суйпоскесъёсты но со выллем мукетсэ. Со сяна, ужалоз пӧраськон студизы, отын мылкыд карисьёс перепеч, кӧмеч лэсьтыны дышетскыны быгатозы.

Алексей Кузнецовлэн верамезъя, мастер-классъёс ортчытӥськозы 5–6 адямилэсь гурппаос понна. Отчы пыриськон дунын, кутэм материалъёс понна 50 манет тыроно луоз, пӧраськонъя мастер-классын — 150 манет. Нош адӟытонэн, мастерскойёсын тодматскон понна дун тыроно ӧвӧл.

Со сяна, быдэс арня ӵоже «этнографи часъёс» ортчылозы. 16-тӥ куартолэзе 10 часын истори тодосъя кандидат Людмила Молчанова лыктоз шуыса чаклало.

«Нимысьтыз ӧтчам адямиос милемлы но, мылкыд карисьёслы но лыдӟозы лекциос. Кибашлыосын герӟаськем, ӧнеръёсын герӟаськем темаосъя. <…> Кык тодосчи милям вань али, кин лыкытын быгатэмзэ вераз — Юрий Александрович Перевозчиков (истори тодосъя кандидат, этнограф — ред.) луыны кулэ но луоз Людмила Анатольевна Молчанова, со вералоз сюан костюмын символика сярысь», — вераз Алексей Кузнецов.

Озьы ик юртлэн мастерскойёсаз лэьтэм удмурт крезьгуро инструментъёсын тодматыны чакламын — луозы крезь, кубыз, быз но шуланъёс.

«Со милям малпамын котькуд нунал луоз шуыса. Адями трос люкаськиз ке, ми лэсьтом презентация. Нош озьы ми вожен-вожен шудыса улом, кин лыктоз адӟытонэз учкыны, соос быгатозы кылзыны», — ватсаз чеберлыко киужъёсъя центрлэн кивалтӥсезлэн воштӥсез.

«Киужъёсъя арня» кӧснуналэ, 20-тӥ куартолэзе, сяме пырем «Киужъёсъя уй» ужрадэн йылпумъяськоз («Музейёслэн уйзы» ужрадлы сӥзьыса). Соку чеберлыко киужъёсъя центр 12 часысен 20 часозь усьтэмын луоз.

«Киужъёсъя арнялэн» ужанрадлыкеныз рос-просгес тодматскыны луоз центрлэн сайтаз.

Партнеры

Загрузка...
Журналист утчаськомы
Иворъёс

Михаил Калашниковлэсь 100 аръем юбилейзэ пусъён улсын ужрадъёсты Удмуртиын дунтэмгес карыны тыршозы

12.05.2017 15:08