Понедельник, 23 октября 2017
Ижевск -1°C
18.05.2017 10:10
Иворъёс
Иван Шишкинлэн зэмос ужъёсыныз адӟытон ортчоз Ижкарысь Суредан устолыкъя элькун музейын

Иван Шишкинлэн зэмос ужъёсыныз адӟытон ортчоз Ижкарысь Суредан устолыкъя элькун музейын

Фото: art16.ru
Ижкар / Удмуртиын

Ижкарысь Суредан искусствоосъя элькун музейын тодмо ӟуч суредасьлэн Иван Шишкинлэн зэмос ужъёсынызы адӟытон ортчоз. Со пейзажист вордскем дырысен 185 ар тырмонлы сӥземын. Кызьы вераз иворъёсъя «Удмуртия» агентстволэн корреспондентэзлы ужъюртлэн кивалтӥсез Вера Вахрушева, сое Лулчеберетъя Васнецовъёс нимо Ватка музеен ӵош дасяло.

«Музейлэн бичетаз Шишкинлэн графикаез вань, со ик адӟытон кылдытыны мылкыд сётӥз, угось тодмо суредасьлэн вордскемез дырысен туэ 185 ар тырмиз. Кировысь ми басьтӥськомы живописез но аспӧртэм графикаез, малы ке шуоно музейлэн бичетаз печатной графика возьматэмын. Со офорт но цинкография. Киров милемлы сётэ Шишкинлэсь живописьсэ но аспӧртэм графиказэ, со Шишкинлэн карандашен суредъёсыз», — вераз музейлэн кивалтӥсез.

Адӟытонын усточилэсь 40-лэсь трос ужъёссэ возьматозы. Удмуртиын улӥсьёс солэсь тодмо суредъёссэ учкыны быгатозы: «Пикник в сосновом лесу» (1879), «Верхушки сосен» (1890). «Лес на порубке» (1873) но мукетъёссэ.

«Иван Шишкинлэн тросэз шедевръёсыз Удмуртиын нырысьсэ возьматӥськозы», — пусйизы музейын.

«Иван Шишкин. Живопись и графика» адӟытон 2017-тӥ арын 2-тӥ инвожоысен 27-тӥ гудырикошконозь ужалоз.

Партнеры

Загрузка...
Иворъёс

Михаил Калашниковлэн юбилеезлы синпель коньдон но марка поттозы

17.05.2017 16:41
Иворъёс

21 градусозь шуныт луоз Удмуртиын 18-тӥ куартолэзе

18.05.2017 09:02