04.08.2017 16:32
Иворъёс
Шор дауръёсысь ожмаськон машина лэсьтозы Глазкарын батыръёслэн шудонзылы

Шор дауръёсысь ожмаськон машина лэсьтозы Глазкарын батыръёслэн шудонзылы

Фото: travel.rambler.ru
Глазкар / Удмуртиын

12-тӥ гудырикошконэ Глазкар вӧзысь Иднакарын куинетӥосыз батыр шудонъёс ортчозы. «Идна-батыр 2017» ужрадлы Глаз ёросысь Лулчеберетъя но туризмъя центрын ужасьёс шор дауръёсысь катапульта выллем ожмаськон машина лэсьтыны малпазы. Иворъёсъя «Удмуртия» агентстволы со сярысь вераз Центрлэн туризмъя ёзэтэныз кивалтӥсь Алексей Дьяконов.

Сыӵе ожмаськон машинаоссы пӧртэм калыкъёслэн вал, но глазкаръёс инъет карыса басьтӥзы требушетэз. Чертёжъёссэ интернет вотэсысь шедьтӥзы. Алексей Дьяконовлэн верамезъя, зэмос машиналэсь со висъяськоз лэзьяно арбериосыныз, изъёс интые турынэн тырмытэм мешокъёс луозы, но быдӟалаеныз.

«Ӝуждалаез 3 метр луоз, кузьдалаез но 3 метр пӧрмоз, малы ке шуоно ми сое куинь метръем коръёслэсь лэсьтомы. Бадӟым люкетэз пулэсь луоз, но вырись люкетъёсыз кортлэсь, малы ке шуоно пу тӥяськыны быгатоз
Алексей Дьяконов

Лулчеберетъя но туризмъя центрысь туризмъя ёзэтлэн кивалтӥсез верамъя, ожмаськон машинаез лэсьтыны асмылкыдчиос юрттозы, угось та выллем ужъёсын тунсыкъяськисьёс Глазкарын но ёросын улӥсьёс пӧлын трос гинэ. Коньдон висъялозы «Культурная мозаика малых городов и сёл» вожвылъяськон улсын «ДондыДор» ӵектосъя утэм грантысь. Со сяна, юрттӥсьёс но шедизы, кылсярысь, карысь ужбергатӥсь кортъёс сётӥз.

Озьы ик Алексей Дьяконов вераз, кызьы кылдӥз шор дауръёсысь ожгар машинаез кылдытыны малпан. Инъет луизы удмурт батыръёслэн бадӟым кужымзы сярысь дауркылъёс (легендаос).

«Соос, пе, сокем кужмоесь вылӥллям, одӥг карысен мукетаз гираосты но быдэс коръёсты куштыны быгато вылэм. Но котькуд выжыкылын пичи люкетэз гинэ выжыкыл луэ, ваньмыз кылемез — зэм. Ми малпамы, соослэн кыӵе ке но лэзьясь машинаоссы вал, дыр, шуыса. Чупчи шурмы кузя ветлӥсьёс трос вал. Татчы шундыӝужан палась но, шундыпуксён палась но купечьёс вуылӥзы, соос ик, дыр, со катапультаос сярысь ивортодэт ваизы. Соин ик ми но сое лэсьтыны малпамы», — валэктӥз со.

Батыр шудонъёс ортчем бере ожгар машина лулчеберетъя но туризмъя «ДондыДор» парклэн экспонатэз луоз.

Партнеры

Загрузка...
Иворъёс

«Выль» праздник ортчоз Можгаын 5-тӥ гудырикошконэ

20.07.2017 16:19
Иворъёс

Ӝыны иськем выль сюрес лэсьтӥзы Эгра ёросын

04.08.2017 14:07