07.08.2017 14:54
Иворъёс
«Лудорвайысь» вуко «ГуртFEST» фестиваль дыръя юбилейзэ пусъёз

«Лудорвайысь» вуко «ГуртFEST» фестиваль дыръя юбилейзэ пусъёз

Фото: Григорий Фомин
Лудорвай / Удмуртиын

«Лудорвай» музей-заповедникысь тӧл вуко юбилейзэ пусъёз. Кызьы вераз «Город ФМ» радиолэн (105,7 FM) тулкымъёсаз музейлэн кивалтӥсезлэн воштӥсез Ирина Вершинина, праздникез пусъёзы 13-тӥ гудырикошконэ гурт лулчеберетъя «ГуртFEST» калыккуспо фестиваль дыръя.

«Валтӥсез ужрад — 13-тӥ гудырикошконэ, куке вуко бурдъёссэ бергатыны кутскоз. Ми объектмылы 105 ар тырмонэз пусъёмы», — вераз Ирина Вершинина.

Вукоез кутэмнянен но нимысьтыз флешмобен данъялозы: шулдыръяськонэ лыктэм вань куноосты одӥг бадӟым круге ӧтёзы.

«ГуртFEST» фестивальын, вуколэсь юбилейзэ пусъем сяна, 10 площадкаос но йӧскалык азбаръёс ужалозы.

Праздник дыръя спортъя вожвылъяськонъёсы, пӧртэм мастер-классъёсы пыриськыны, вузкарон интыостӥ ортчыны, Удмуртиысь, Башкириысь, Москваысь, Санкт-Петербургысь, Ханты-Манси автоном округысь но Эстониысь коллективъёслэсь возьматонъёссэс учкыны луоз. Куноосты пӧртэм калыкъёслэн эктонъёсынызы, кырӟанъёсынызы но дӥськутэнызы тодматозы.

13-тӥ гудырикошконэ «Лудорвайын» Россиысь калык творчествоя юртлэн «Русский художественный текстиль» адӟытонэз усьтӥськоз, отын быдэс Россиысь устоосызлэсь кибашлыослэсь 40-лэсь трос ужъёссэс адӟыны луоз.

Шулдыръяськонэ лыктэмъёс пӧлысь нырысетӥосыз сюрс куноос Балтика зарезьын шутэтскыны сертификат понна вожвылъяськозы.

Тодэ вайытом, 2018-тӥ арын «Лудорвайын» бесерман юртъер усьтыны малпало.

Партнеры

Загрузка...
Иворъёс

«Яратоно Удмурт Кыл» лагерь вуоно арлы инты утча

02.08.2017 12:04
Иворъёс

Шор дауръёсысь ожмаськон машина лэсьтозы Глазкарын батыръёслэн шудонзылы

04.08.2017 16:32