07.08.2017 17:24
Иворъёс
«Шуд, арган, Сибыр тракт вылын» фестиваль ортчоз Дэбес ёросын

«Шуд, арган, Сибыр тракт вылын» фестиваль ортчоз Дэбес ёросын

Фото: ПРЕСС-ЦЕНТР ФЕСТИВАЛЯ
Дэбес / Удмуртиын

12-тӥ гудырикошконэ Дэбес ёросысь Пыктыдур (Нижняя Пыхта) гуртын «Шуд, арган, Сибыр тракт вылын» элькун фестиваль ортчоз. Со сярысь ивортэ фестивальлэн пресс-центрез.

Удмуртиысь, озьы ик бускель улосвылъёсысь арганчиос, такмакъёсты быдэстӥсьёс но калык лулчеберетлэсь та ӧрзэ яратӥсьёс ньылетӥ ползэ ни люкаськозы. Фестиваль-вожвылъяськонлэн нимысьтыз куноосыз луозы Россиысь «дас зарни арганчиос» пӧлы пыртэм но Геннадий Заволокинлэсь нимзэ нуллӥсь «Шуд, арган» фестивале но сыӵе ик нимын программае пыриськись усточиос.

Фестиваль улсын чечыен, гурт возёс сиён-юонэн, чеберлыко киужъёсын вузкарон ярмаркаос, калык творчествоя мастер-классъёс ортчозы, нылпиос понна нимаз площадкаос ужалозы.

Ужрадэз сӥё-дано усьтон 10 час 30 минутлы чакламын.

Партнеры

Загрузка...
Иворъёс

Шор дауръёсысь ожмаськон машина лэсьтозы Глазкарын батыръёслэн шудонзылы

04.08.2017 16:32
Иворъёс

«Лудорвайысь» вуко «ГуртFEST» фестиваль дыръя юбилейзэ пусъёз

07.08.2017 14:54
Иворъёс

Перепеч «Россилэн сиён-юонъя картаяз» нырысетӥез удмурт сиён луоз

07.08.2017 16:31