10.08.2017 11:58
Иворъёс
«Выль ӝук» удмурт шулдыръяськонэ Киров улосвылэ Тол Бабай но Ullapalla Boy вуозы

«Выль ӝук» удмурт шулдыръяськонэ Киров улосвылэ Тол Бабай но Ullapalla Boy вуозы

Фото: vk.com (Выль ӝук / Светозарево)
Гырдор / Россиын

Вуись кӧснуналэ, 12-тӥ гудырикошконэ, Киров улосвылысь Слободской ёросысь Гырдор (Светозарево) гуртын укмысэтӥ ползэ ни «Выль ӝук» улосвыл шулдыръяськон ортчоз. Удмуртъёслэн сяме пыӵам праздниказы Удмуртиысь но куноосты возьмало, соос пӧлын луоз Тол Бабай но. Иворъёсъя «Удмуртия» агентстволы со сярысь вераз Гырдор гуртысь Йӧскалык лулчеберетъя центрлэн кивалтӥсез Алевтина Кайсина.

«Чакласьком, кин ке луоз Удмуртиысь йӧскалык политикая министерствоысь, «Удмурт Кенешысь». Шулдыртыны лыктоз Богдан Анфиногенов (Ullapalla Boy ӵектосэн — ред.). Удмуртиысь луоз «Зоринча» ансамбль, Шаркан ёросысь Быгы гуртысь, сэре луоз на Вавож ёросысь Выль Бия гуртысь фольклоръя «Гербер» калык ансамбль. Шаркан ёросысь коллектив сьӧраз ваёз Тол Бабаез, толон гинэ тодӥм ми сое
Алевтина Кайсина

Озьы ик Киров улосвылысь удмурт, пор, ӟуч коллективъёс пыриськозы. Соос пӧлын Гырдор гуртысь калык эктонъя «Тыпыртон» ансамбль но эктонъя но кырӟанъя «Лыз кутюк» калык коллектив. Соос концерт но театр возьматон дасяло.

Куноосты пумитан 9 час 30 минутэ кутскоз, ачиз праздник театр возьматонэн — 11 часын, ӝукез вӧсян но нуназеян 12 часысен чакламын. Нунал ӵоже пиналъёслы площадкаос ужалозы, киужъёсын адӟытон-вузарон, вожвылъяськонъёс но мастер-классъёс ортчозы.

«Лыктозы милям чеберлыко киужъёсын вырись 20 усточиос, соос мастер-класс но сётозы, озьы ик киужъёсын адӟытон-вузкарон луоз. Одӥгез усточи луоз Шаркан ёросысь», — пусйиз Гырдор гуртысь Йӧскалык лулчеберетъя центрлэн кивалтӥсез.

Ватсалом, Киров улосвылын 13 сюрслэсь трос удмуртъёс уло (2010-тӥ арын калыкез лыдъян-гожтонлы йылпумъянъёсъя).

«Слободской ёросын милям быдэс Светозарево поселение. Отын вал 13 гурт, но али ичи кылемын ни, кытын тросгес удмуртъёс  — 6–7 гурт кылемын на. Отын но мӧйы калыкгес уло ни. Милям та Светозарево центрез — татын школа, нылпи сад, Йӧскалык лулчеберетъя центр, поселенилэн администрациез, мукетъёсыз гуртъёсын сыӵе социально-значимой объектъёс ӧвӧл. Валляна гуртъёсын удмурт калык уз ӟучёмы ни, соос верасько удмурт кылын, но соослэн пиналъёссы, внукъёссы кошкылэмын ни гуртысь, соос ӟучёмогес ни», — вераз Алевтина Кайсина.

Солободской ёросын сяна, удмуртъёс тросэнгес уло Белая Холуница, Вятские Поляны, Кильмезь, Малмыж, Уни, Фалёнки, Зуевка, ёросъёсын.

Партнеры

Загрузка...
Иворъёс

Гурт лулчеберетъя «Гурт-Fest» калыккуспо фестиваль ортчоз «Лудорвай» музейын

24.07.2017 10:51
Иворъёс

«Шуд, арган, Сибыр тракт вылын» фестиваль ортчоз Дэбес ёросын

07.08.2017 17:24
Иворъёс

Ижкарысь Кызьпу арамаысь тросэз али ужась площадкаос интыязы ик кылёзы

09.08.2017 16:32