10.08.2017 14:08
Иворъёс
Черк но купель кылдозы Удмуртиын Кам шур йылын

Черк но купель кылдозы Удмуртиын Кам шур йылын

Фото: пресс-служба главы и правительства Удмуртии
Кез / Удмуртиын

2018-тӥ арын Кулига черкогуртысь Кам шур йылын черк но купель кылдыны быгатозы. Со сярысь вераз Кез ёросысь лулчеберетъя юртысь туризмъя ёзэтлэн кивалтӥсез Ирина Бабина.

«Черк кылем арысен пуктӥське, отчы ми купель лэсьтыны тыршиськомы, со паломнической туризмез азинтыны луонлык сётоз, йӧ вылэ султон дыръя кытчы ке люкмесэ пырем интые татын умой луоз, чаен. <…> Черклы инъет лэсьтэмын кылем арын, службаос уг мыно на. Вуоно арын милям ӟуч старообрядческой лулчеберетъя витетӥез улосвылкуспо фестиваль луоз, со инвожое-пӧсьтолэзе луоз, соку ми та черкез усьтомы. Нырысь ик часовня лэсьтыны малпаськомы вал, но пӧрмиз пичи черк. Со Александр Свирскийлы сӥземын луоз», — вераз Ирина Бабина но лэсьтӥськонлы коньдон спонсоръёс но калык висъяло шуыса ватсаз.

Та дыре «Кам шурлэн йылыз» парке арлы быдэ 2 сюрс пала туристъёс вуыло. Гуртоослэн верамзыя, татчы ветлӥсьёс тросгес луысалзы, но сюрес урод.

«Ваньмыз сюреслэсь потэ, ваньмыз куазьлэсь потэ, асфальт луысал ке — ми котьку пумитаны дась», — вераз Ирина Бабина. Солэн кылъёсызъя, таяз арын гинэ вить экскурсиосты палэнтӥзы ни, зоро куазь дыръя автобусъёс лыктыны ӧз быгатэ.

Кез ёросэ вуылыкуз сюрес кулэ шуыса соглаш луэмзэ вераз Удмуртилэн тӧроезлэсь ужзэ быдэсъясь Александр Бречалов.

«Туризмъя объектъёс доры сюресъёсты ужбергатӥсьёсын ӵош лэсьтыны луэ. Россиын озьы ужан рад вань, Удмуртиын но сое пыӵатоно», — пусйиз улосвыл кивалтӥсь. Солэн верамезъя, «Кез-Кулига-Карсовай» сюреслэсь 12 иськемзэ 2018-тӥ арын тупатъян ужъёсъя элькун лыдметэ пыртӥзы ни.

пресс-служба главы и правительства Удмуртии
Александр Бречалов Кез ёросын Фото: пресс-служба главы и правительства Удмуртии © udmurt.ru

Черк но купель лэсьтэм сяна, «Кам шурлэн йылыз» паркын кык этажъем кунокуа коркаос, автотуристъёслы инты но фестивальёс ортчытъяны сцена пуктыны малпало. Со сяна, отчы Кулигаысь Лымынылэз улыны интыяны но быдэс улосвылысь синпель кузьымъёсын Ымустон элькун ярмарка ортчытъяны чаклало. Инвестици луонлыкъёсъя картае озьы ик пыртӥзы «Камский сток» марка кылдытонэз, со юон ву ӝутъян ужен выроз.

Кам шур йылын Александр Бречалов интыысь усточиосын лэсьтэм горд сюйлэсь арбери но кызьпу туйлэсь лянэс басьтӥз.

«Тӥнь та Ижкарысь вокзалын вузаськыны кулэ. 10-тӥ куарусёнэ милям павильонъёсмы отын луозы. <…> Ойдолэ, тӥледлы сыӵе курон — лэсьтэ, мон ачим сое вокзалысь ӝажы вылэ поно», — оскытӥз Удмуртилэн тӧроезлэсь ужзэ огдырлы быдэсъясь.

Тодэ вайытом, 10-тӥ куарусёнэ Ижкарысь чугун сюрес вокзалын Удмуртиысь вань ёросъёсысь усточиосын лэсьтэм киужъёсын вузкарон павильонъёс кылдозы. Вокзал пыр араз 800 сюрс адями ортче. Но отысь, Александр Бречаловлэн верамезъя, «Удмуртия сярысь» вузъёсты шедьтыны уг луы.

Партнеры

Загрузка...
Иворъёс

«Лудорвайысь» вуко «ГуртFEST» фестиваль дыръя юбилейзэ пусъёз

07.08.2017 14:54
Иворъёс

«Выль ӝук» удмурт шулдыръяськонэ Киров улосвылэ Тол Бабай но Ullapalla Boy вуозы

10.08.2017 11:58