10.08.2017 17:57
Иворъёс
Удмуртиысь устозэ батырез быръёзы Глазкарын «Идна-батыр» шудонъёсын

Удмуртиысь устозэ батырез быръёзы Глазкарын «Идна-батыр» шудонъёсын

Фото: vk.com (Историко-культурный музей-заповедник УР Иднакар)
Глазкар / Удмуртиын

Удмуртиысь устозэ батырез быръёзы 12-тӥ гудырикошконэ Глазкарын «Идна-батыр» шудонъёсын. Туннэ нуналлы 5 командаос куриськон сётӥзы — ньылез Глазкарысь но одӥгез Воткаысь. Иворъёсъя «Удмуртия» агентстволы со сярысь вераз историяя но лулчеберетъя «Иднакар» музей-заповедникысь лулчеберетъя, дышетонъя но экскурсиосъя ёзэтлэн кивалтӥсез Евгения Ельцова.

Батыр шудонъёс Солдырь гурезьын, федерал инлыкен Иднакар ахрелоги синпелетлэн интывылаз ортчозы. Ужрадэ Глазкарысь но Удмуртиысь предприятиослэн но ужъюртъёслэн командаоссы пыриськыны быгато, котькудаз быдэн сизьым адями луыны кулэ.

«Котькуд команда быдэн одӥг батырез быръе, соос валтӥсь вожвылъяськонъёсы пырисько, мукетъёсыз ватсаса вожвылъяськонъёсы пырисько. Озьы ик нунал ӵоже гурезьын Иднакаретӥ экскурсиос, мастер-классъёс радъяськозы, нылпиослы площадка ужалоз. Валтӥсь сцена вылын асьсэлэсь устолыксэс возьматозы Глазкарысь коллективъёс — кырӟалозы, эктозы, пӧртэм сценкаос возьматозы», — вераз Евгения Ельцова.

Вожвылъяськонъёс сярысь ке, соослэсь пуштроссэс радъясьёс азьвыл ик уг шараяло.

«5–6 конкурс луоз, отын амаллыкез, кужымез, командалэсь огкылысь луонзэ эскерозы», — вераз музейысь ӧнерчи.

Озьы ик со пусйиз, котькуд калык аслэсьтыз историзэ тодыны но соин данъяськыны кулэ шуыса. Ӵапак соин «Иднакар» музей-заповедник «Идна-батыр» шудонъёсты радъян борды басьтӥськиз. Со сяна, эшшо одӥгез ужпум — учыръя туризмен кар но элькун дырпусын выль объект кылдытон.

Батыр шудонъёсын вормисьёслы кубокъёс но медальёс сётозы.

Ватсалом, «Идна-батыр» шудонъёслы Глаз ёросысь Лулчеберетъя но туризмъя центрын ужасьёс шор дауръёсысь катапульта выллем ожмаськон машина лэсьто

Партнеры

Загрузка...
Иворъёс

«Выль ӝук» удмурт шулдыръяськонэ Киров улосвылэ Тол Бабай но Ullapalla Boy вуозы

10.08.2017 11:58
Иворъёс

Кез каргуртын выль школа пуктонэз 2018-тӥ арын кутскыны быгатозы

10.08.2017 15:43