Понедельник, 23 октября 2017
Ижевск -1°C
05.10.2017 11:17
Иворъёс
Венгриысь ансамбль этнокультурая «Палэзян» финн-угор фестивале пыриськоз

Венгриысь ансамбль этнокультурая «Палэзян» финн-угор фестивале пыриськоз

Фото: Алексей Арзамасцев
Ижкар / Удмуртиын

18–21 коньывуонэ Удмуртиын егитъёслэн этнокультуразыя «Палэзян» VII калыккуспо финн-угор фестиваль ортчоз. Ужрадэ Венгриысь, Марий Элысь, Мордовиысь, Комиысь но Удмуртиысь творчествоя коллективъёс пыриськозы. Соос туала этнокультуралэн пӧртэм ӧръёсызъя быгатонлыкъёссэс возьматозы, ивортэ элькунысь Калыкъёслэн эшъяськон юртсылэн пресс-службаез.

Фестивальлэн трос но турлы площадкаосыз ужалозы — мастер-классъёс, быгатонлыкъёсъя лабораториос, концертъёс, театр возьматонъёс, пресс-конференциос, крезьгурасьёслэн, кырӟасьёслэн, суредасьёслэн этнофутуризмъя дауртонъёссы, финн-угор эктонъёсъя ӝыт но мукет.

18-тӥ коньывуонэ Калыкъёслэн эшъяськон юртазы:

16:00 — туала этномодалы сӥзем нырысетӥез котырес ӝӧк. Сое нуозы модая «Ажиотаж» агентстволэн кивалтӥсез Олег Ажгихин но удмурт дизайнер Полина Кубиста.

18:00 — Григорий Степановлэн туспуктэмъёсъя «Мукет адӟон. Другое Измерение» адӟытонэз ужаны кутскоз.

18:20 — Ксения Чимали Ворончихиналэн горд сюйлэсь быдэстэм ужъёсыныз но туспуктэмъёсыныз «Бус. Туман» адӟытонэз усьтӥськоз.

19:00 — Комиысь, Марий Элысь, Пермь улосвылысь но Удмуртиысь туала дизайнеръёс «Палэзян. Этномода» коллекцизэс возьматозы.

Пыронэз эркын, 6+

19-тӥ коньывуонэ Калыкъёслэн эшъяськон юртазы:

19:00 — «Эктон корка +" ӝыт ортчоз, отчы Венгриысь «Magyarhang» мадьяр крезьгуръя ансамбль но пыриськоз. (18+)

Озьы ик 19-тӥ коньывуонэ ӧтем куноос пӧртэм интыосын пумиськонъёс ортчытозы — «Magyarhang» ансамбльысь артистъёс Ижкарысь 11 номеро школаын пиналъёсты финн-угор культураен тодматозы. Со нуналэ ик Венгриысь артистъёс, но дизайнер-модельеръёс Ижкарысь «Интеграл» лулчеберетъя юртын ИжГТУ-ысь студентъёслы асьсэлэн калык культуразы сярысь вералозы.

20-тӥ коньывуонэ «Резиденция» клубын (18+):

20:00 — «Палэзян» этноӝыт. Отчы пыриськозы Мордовиысь OYME, Венгриысь «Magyarhang», Татарстанысь Shoner Paul (Павел Александров), Марий Элысь Александр Речкин, Удмуртиысь «Малыми», «Suomi», «Post-Dukes», «Эрик» но Алексей Пикулев.

21-тӥ коньывуонэ Венгриысь «Magyarhang» ансамбльысь артистъёс но туала удмурт кырӟасьёс Яр каргуртын концерт возьматозы.

Партнеры

Загрузка...
Иворъёс

Удмурт кылын кырӟасьёслэн «Элькуновидение» вожвылъяськонзылэн быръён люкетэз ортчоз 8-тӥ коньывуонэ

04.10.2017 13:10
Иворъёс

Пичи Пурга ёросысь Юрий Николаев Егитъёслэн но студентъёслэн XIX дунневыл фестивалязы мыноз

04.10.2017 16:31