Понедельник, 23 октября 2017
Ижевск -1°C
05.10.2017 18:19
Иворъёс
Удмуртиысь нылпи садъёс «Пичи Чеберайёс но Батыръёс» элькун фестивальлы дасяськыны кутскизы

Удмуртиысь нылпи садъёс «Пичи Чеберайёс но Батыръёс» элькун фестивальлы дасяськыны кутскизы

Фото: Григорий Фомин
Ижкар / Удмуртиын

Удмуртиысь нылпи садъёс «Пичи Чеберайёс но Батыръёс» элькун фестивальлы дасяськыны кутскизы. Удмурт кылэз тодӥсь яке дышетӥсь 5–7 аресъем пиналъёс удмуртлыксэс, кибашлы луэмзэс возьматозы. Асьсэ ёросазы яке каразы быръён люкетэз ортчем нылъёс но пиос фестивальлэн йылпумъян люкетаз пыриськозы. Со 10-тӥ шуркынмонэ Ижкарын Калыкъёслэн эшъяськон юртазы ортчоз. Иворъёсъя «Удмуртия» агентстволы со сярысь вераз ужрадэз радъясь «Удмурт нылкышно кенеш» огазеяськонлэн кивалтӥсез Надежда Степанова вераз.

Туннэ нуналлы фестивальлэн нырысетӥ люкетэзлэн ортчон нуналэз Пичи Пурга ёросын гинэ тодмо — со 26-тӥ коньывуон. Матысь дыре, 15-тӥ коньывуонозь, мукет ёросъёс но каръёс быръён люкетлэсь ортчон нуналзэ шараялозы. 

Надежда Степанова пусйиз, Калыкъёслэн Эшъяськон юртазы вожвылъяськон уз луы, татчы ёрос яке кар люкетын асьсэдыз тужгес усто возьматэм пиналъёсты данъяны люкалозы. Соин ик фестивальлэн быръён люкетэз рос-прос радъямын мед луоз шуыса, визьнодасьёсын семинар ортчытӥзы. Отын валэктӥзы, кыӵе конкурсэз кызьы ортчытыны. 

«Пиналъёс в образе луыны кулэ, кыӵе ке батыр, удмурт батыр яке, шуом, нылъёс ке – вашкала удмурт нимын мед луоз. Татын валтӥсез – соос огшоры гинэ конкурслы медаз дасяське. Солэсь азьвыл воспитательёс соосты тодматыны кулэ удмурт калыкмылэн чеберлыко киужъёсыныз, историеныз, батыръёсын ик, шуом
Надежда Степанова

Ужрадлэн нырысетӥ люкетаз «Удмурт кылбур» конкурсын нылпиос тодмо удмурт кылбурчиослэсь произведениоссэс вералозы но жюрилэн юанъёссылы анай кылын валэктон сётозы. Корка котырын быгатонлыксэс пиналъёс «Кибашлы» вожвылъяськонын возьматозы, нош «Пӧраськом удмурт сиён» ӵошатсконын нылашъёс жюриез йӧскалык сиён-юонэн утялтозы. Озьы ик фестивале пыриськисьёс веттан гур кырӟалозы, эктонын но мукет конкурсъёсын ӵошатскозы.

Котькуд пиналэз кыӵе ке номинациын пусъёзы, нош тужгес устоосыз батыр но чеберай Ижкаре фестивальлэн йылпумъян люкетаз мынозы.

Надежда Степанова ивортэмъя, туэ фестивале выль курон пыртэмын — ужрадэз радъясьёс ёросъёсын вормисе потэм нылпиослэсь видеовизитказэс витё. Соосты «Удмурт нылкышно кенешлэн» «ВКонтакте» вотэсысь группаяз куара сётон понна пуктозы. Тужгес трос куара люкам пиналъёс учкисьёслэсь кузьымзэс басьтозы.

Тодэ вайытом, нылпиослы сӥзем элькун фестиваль таяз арын куатетӥез луоз ни. Кылем арын «Пичи Чеберайёс но Батыръёс» нылпи элькун фестивальлэн берпуметӥ люкетэз 19-тӥ толсуре ортчиз.


Партнеры

Загрузка...
Иворъёс

Иж тымет вадьсытӥ «Русские Витязи» группа лобоз

05.10.2017 12:07
Иворъёс

Искусствоосъя нылпи школаосысь 10 дышетскисьёсты «Наследники» элькун премиен пусйизы

05.10.2017 15:29