Понедельник, 23 октября 2017
Ижевск -1°C
06.10.2017 11:35
Иворъёс
«Goore Fest-2017» финн-угор фестиваль улсын Ижкарын рок-культураез вӧлмытон ужпумъёсъя котырес ӝӧк ортчытыны малпало

«Goore Fest-2017» финн-угор фестиваль улсын Ижкарын рок-культураез вӧлмытон ужпумъёсъя котырес ӝӧк ортчытыны малпало

Фото: Григорий Фомин
Ижкар / Удмуртиын

23-тӥ шуркынмонэ Ижкарын «Goore Fest-2017» III калыккуспо финн-угор фестиваль ортчоз. Со улсын радъясьёс рок-культураез вӧлмытон ужпумъёсъя котырес ӝӧк ортчытыны малпало. Иворъёсъя «Удмуртия» агентстволы со сярысь вераз фестивалез радъясь Денис Антонов.

«Фестивальмес котырес ӝӧк сямен но ортчытомы на, дыр, адӟомы, чакланъёс вань. <…> Удмуртсэ гинэ ӧвӧл, быдэс финн-угор рок-культураез вӧлмытон, кызьыгес карыны, оло, мукет улосвылъёсын ӵошенгес ни. Ми мар ке кариськом кадь, группаос но вань, нош мукет улосвылъёсын со вань-а, ӧвӧл-а. Вань ке, кызьы соосты возьматыны
Денис Антонов

Фестивалез радъясьлэн верамезъя, пумиськонэз 23-тӥ шуркынмонэ ик яке азьло нуналаз ортчытыны чаклало. Котырес ӝӧк сьӧрын кенешонэ Сантк-Петербургысь «Second Тo Sun» метал-группа лыктыны быгатоз, али кенешонъёс мыно на.

«Вова Лехтинен, ачиз со Петрозаводскысь, али Питерын ужа, солэн вань группаез «Second Тo Sun», со гожъя крезьгур, но крезьгур гожъя именно тематической шуод-а, мар-а. Шуом, тани асьмелэн вань историын Мултан уж, солэн как раз сыӵе учыръёслы сӥземын кырӟанъёсыз. <…> Соос выступать уз каре, <…> ми каром автограф-сессия, котырес ӝӧк сьӧрын пумиськон. Соос вералозы асьсэ творчествозы сярысь, кызьы, мар пӧрме соослэн, кыӵе сыӵе движок сётӥзы, именно сыӵе крезьгуръёсты гожъяны, мар пумысен соос вообще кутскемын», — валэктӥз Денис Антонов.

Та дырлы «Goore Fest» фестивальлэн программаяз ньыль группаос пыртэмын — «Garuda», «Малыми», «Дэмдор» но «Maleficium Arungquilta».

«Дэмдор» — Можгаысь школаын дышетскисьёслэн группазы. Пиналъёс ог ӝыны ар талэсь азьвыл гинэ огазеяськизы, но туннэ тросэз учкисьёс соослы синмаськемзэс верало ни.

«Maleficium Arungquilta» ӟуч группа, соос асьсэос фестивале пыриськыны мылкыд каризы. Туннэ соослэсь ӟуч кырӟанъёссэс Бразилиын но, Германиын но радиоын лэзё шуыса тодӥсько мон. Пияшъёс асьсэос удмуртъёс — одӥгез Максим Ганьков Алнашысь, мукетыз Лёша Кирсанов. Али выль вокалисткаен шудозы соос. Выль кырӟанъёссэс возьматыны тыршозы — выль программаен, выль куараен шуод-а, мар-а. «Garuda» полноценной концерт возьматыны тыршозы, выль кырӟанъёсын. Озьы ик «Малыми» но», — валэктӥз Денис Антонов.

Фестивале пыриськисьёслэн лыдзы тросгес но луыны быгатоз на.

«Одӥг-кык группаен эшшо вераськиськом, одӥгез Удмуртиысь ик, мукетыз палэнысь — яке Украинаысь вань одӥг коллектив, яке Комиысь ваём», — вераз рок-фестивалез радъясь.

«Goore Fest» финн-угор рок-фестиваль Ижкарысь «8 киловатт» клубын (Свободы урам, 82А) 19 часын кутскоз. Билетлэн дуныз 200 манет (нуналаз — 250 манет).

Тодэ вайытом, кыкетӥез «Goore Fest» финн-угор рок-фестиваль Ижкарын 11-тӥ шуркынмонэ ортчиз. Отын Удмуртиысь сяна, Петрозаводскысь группа шудӥз.


Партнеры

Загрузка...
Иворъёс

Пичи Пурга ёросысь Юрий Николаев Егитъёслэн но студентъёслэн XIX дунневыл фестивалязы мыноз

04.10.2017 16:31
Иворъёс

Венгриысь ансамбль этнокультурая «Палэзян» финн-угор фестивале пыриськоз

05.10.2017 11:17