10.10.2017 14:05
Иворъёс
Удмуртиысь йӧскалык театр нырысьсэ пыриськоз вошъяськон гастрольёсы

Удмуртиысь йӧскалык театр нырысьсэ пыриськоз вошъяськон гастрольёсы

Фото: Национальный театр Удмуртии
Ижкар / Удмуртиын

Удмуртиысь йӧскалык кун театр нырысьсэ пыриськоз вошъяськон гастрольёсы. «Бадӟым гастрольёс. Улосвылъёс» федерал программа улсын шуркынмонэ асьме артистъёс куинь спектакльёссэс Йошкар-Олаын но Кудымкарын возьматозы. Со сярысь иворъёсъя «Удмуртия» агентстволы ивортӥз Удмуртиысь йӧскалык театрысь ӧнерчи Наталия Панфилова.

Удмуртиысь театрлэн гастрольёсыз Марий Элын кутскозы. 11-тӥ шуркынмонэ театрлэн валтӥсь режиссёреныз Алексей Ложкинэн итальян драматурглэн Дарио Фолэн пьесаезъя пуктэм «Эрико яратон» комедиез возьматозы. Та уж юнме шорысь быръемын ӧвӧл. Пор учкисьёс удмурт театрлэн сяме пырем йӧскалык спектакльёсыныз Финн-угор театръёслэн «Майатул» калыккуспо фестивальзы (Йоршкар-Ола) пыр тодмо ни, соин ик таяз радэ выль форматэн ужзэс возьматоно кариськизы. «Театральная весна» элькун фестиваль-конкурсын солы вылӥ дунъет сётӥзы театр критикъёс но «Золотая маска» премилэн экспертъёсыз. Озьы ик «Эрико яратон» комедиез умоен пусйизы Поволжьеысь но Уралысь калыкъёслэн театръёссылэн «Идель-Урал-Буа — пространство диалога» огъяросси фестивалязы (Буинск, Татарстан).

12-тӥ шуркынмонэ пор пиналъёс «Царевна-Лягушка» учкыны быгатозы.

25-тӥ но 26-тӥ шуркынмонэ Удмуртиысь йӧскалык театрлэн гастрольёсыз Коми-Пермяк округын азьланьтӥськозы. Кудымкарын улӥсьёслы дунъяны ӵекто выль ужзэс — «Аыле паруса» мюзиклэз.

Тодэ вайытом, удмурт театр мюзикл пуктыны нырысьсэ басьтӥськиз. Александр Гринлэн «Алые паруса» кузьверосэзъя кык ёзэн спектакльлэн премьераз Ижкарын куарусёнэ ортчиз (режиссёрез Алексей Ложкин). Котькуд возьматонэ калык зал тыр люкаське.

Со сяна, Кудымкарысь пиналъёслы «Царевна-Лягушка» спектакльзэс возьматозы.

«Бадӟым гастрольёс. Улосвылъёс» федерал программа улсын ик коньывуонэ но шуркынмонэ Удмуртие Коми-Пермяк округысь драмая М. Горький нимо йӧскалык театр (Кудымкар) но Марий Элысь драмая М. Шкетан нимо йӧскалык театр (Йошкар-Олавуылозы.

Партнеры

Загрузка...
Статьяос

Люза Бадретдинова: йӧскалык журналистика ке ӧз луы, кыл но быроз

10.10.2017 12:54
Иворъёс

Коми-Пермяк округысь но Марий Элысь театръёс спектаклъёссэс Удмуртиысь учкисьёслы возьматозы

10.10.2017 11:59