11.10.2017 13:52
Иворъёс
Гуртысь маскарчиослэн «Шӧкычкар» фестивальзы ортчоз Удмуртиын 13-тӥ коньывуонэ

Гуртысь маскарчиослэн «Шӧкычкар» фестивальзы ортчоз Удмуртиын 13-тӥ коньывуонэ

Фото: udmdunne.ru
Ижкар / Удмуртиын

13-тӥ коньывуонэ Эгра ёросысь Сеп гуртын «Шӧкычкар» маскаръяськон элькун фестиваль ортчоз. Со «Удмурт дунне» газетын потӥсь «Шӧкыч» бамлэн 55 ар тырмонэзлы сӥземын, вераз иворъёсъя «Удмуртия» агентстволы газетлэн валтӥсь редакторез Зинаида Рябинина.

«Шӧкычкар» фестивале люкаськозы «Шӧкыч» бамын печатласькись гуртысь маскарчиос. Сцена вылэ потыса, соос асьсэлэсь серемес постановкаоссэс возьматозы. Радъясьёслэн верамзыя, туннэ нуналлы фестивале пыриськыны мылкыд карисьёс туж трос ни, соос пӧлын тодмо авторъёс но, газетысь ялонэз адӟем муртъёс но.

Фестиваль улсын ик «Шӧкыч» бамлэн котырес лыдпусэзлы сӥзьыса поттэм «Шӧкычлэн песьтэрез» книгаен тодматозы. Бичетэ газетын печатлам юморескаос, серемес учыръёс но такмакъёс пыремын.

«Лыдӟисьёс, тужгес но клубын ужасьёс, ялан ӝожтӥськылӥзы сцена вылын пуктымон ужъёс ӧвӧл шуыса, соин ик малпам пӧртэм аръёсысь, 70-тӥ аръёсысен кутскыса, тужгес но тунсыко юморескаосын бичет поттыны
Зинаида Рябинина

«Удмурт дунне» газетлэн валтӥсь редакторез пусйиз, удмурт калык маскаръяськыны туж быгатэ шуыса. Фестивалез радъян интыын но шулдыръяськыны-серекъяны мыло-кыдо адямиос ӧжыт ӧвӧл. Сеп гуртын улӥсьёс асьсэос «Шӧкычлэн» вордскем нуналэзлы сӥзем ужрадэз соос дорын ортчытыны ӵектӥзы.

«Сеп гуртын лыдӟисьёсын пумиськон ортчытыкумы ми верам, <…> «Шӧкычмылы» 55 арес ини, нош солэн коркаез ӧвӧл шуыса. Соос (гуртын улӥсьёс — ред.) поттылӥзы, Лӧптэм табань нюксы вань шуыса, зэмзэ но озьы нимаське. Ойдолэ, пе, ми отчы «Шӧкычкар» усьтом», — фестивалез ортчытон инты быръемзэс валэктӥз Зинаида Рябинина.

Азьланяз та фестивалез газетчиос йылоллы пӧрмытыны чаклало.

Партнеры

Загрузка...
Иворъёс

Александр Бречалов Удмуртиысь йӧскалык политикая министрез юнматӥз

10.10.2017 18:46
Иворъёс

Удмуртиын паласькись лек вирус инфекция сэрен нылпи садэз карантинэ ворсазы

11.10.2017 10:37