11.10.2017 17:41
Иворъёс
Удмурт но ӟуч фольклор чузъяськоз инкуазез утёнлы сӥзем концертын Ижкарын

Удмурт но ӟуч фольклор чузъяськоз инкуазез утёнлы сӥзем концертын Ижкарын

Фото: Григорий Фомин
Ижкар / Удмуртиын

15-тӥ коньывуонэ Ижкарысь Калык творчествоя элькун юртын — Егитъёслэн юртазы «Этно-Эко» концертын удмурт но ӟуч фольклор чузъяськоз. Ужрад 2017-тӥ арын Россиысь экологилэсь арзэ пусъён улсын ортчоз, вераз иворъёсъя «Удмуртия» агентстволы Калык творчествоя юртысь ӧнерчи Вероника Фёдорова.

Солэн ивортэмезъя, концерт быдэсак инкуазез утёнлы сӥземын луоз. Ужрадын туж ӧжыт электричество быдтозы: нокыӵе электроинструментъёс уз шудэ, залын ляб пиштӥсь тыл луоз, нош артистъёс микрофонтэк кырӟалозы.

Концертэ крезен но кубызэн шудӥсь «Азвесям» ӵектос, фольклоръя «Крезь куара» нылпи ансамбль но солэн кивалтӥсез Ольга Перевозчикова, Светлана Пчелова но ачиз Вероника Фёдорова пыриськозы. Нош нимысьтыз ӧтем куно луоз Катерина Кенӟали.

«Тужгес яркыт вакытэз та концертлэн — ми бичаломы мылкыд карисьёслэсь коньдон. Кызьы тӥ тодӥськоды, дыр, „Разделяйка“ проектын бичазы быдэс тонна батарейка, нош сое утилизировать карыны луонлыксы ӧвӧл. Милям ужрадамы бичаськоз коньдон со батарейкаосты быдтыны
Вероника Фёдорова

Концертэ вань мылкыд карисьёс дунтэк пырыны быгатозы. 

Ватсалом, «Этно-Эко» концерт арлы быдэ радъяськись «Полёт к мечте» элькун фестивальлэн берпуметӥ люкетэз луоз. Таяз арын фестиваль улсын инкуазез утёнъя котырес ӝӧкъёс, мастер-классъёс но мукет ужрадъёс ортчизы ни.

Партнеры

Загрузка...
Иворъёс

Гуртысь маскарчиослэн «Шӧкычкар» фестивальзы ортчоз Удмуртиын 13-тӥ коньывуонэ

11.10.2017 13:52
Иворъёс

Алнаш ёросысь нылпиос Герман Ходырев нимо премия понна вожвылъясько

11.10.2017 16:59
Иворъёс

Александр Бречалов: ми биатлонэз азинтон понна спонсоръёсты кыскон ласянь кенешонъёс нуиськомы

11.10.2017 15:59