08.11.2017 11:05
Иворъёс
Тол Бабай Россиысь 5 тужгес тодмо Дед Морозъёс пӧлы пыриз

Тол Бабай Россиысь 5 тужгес тодмо Дед Морозъёс пӧлы пыриз

Фото: Григорий Фомин
Шаркан / Удмуртиын

Таяз толалтэ Россиысь вить тужгес тодмо Дед Морозъёс пӧлы удмурт Тол Бабай но шедиз. Рейтингез аналитикая ТурСтат агентство кылдытӥз.

Ӧнерчиос эскеризы, кӧня туристъёс ветлӥзы выжыкылысь Выль арлэн валтӥсь геройёсыз доры: Великий Устюгысь Дед Мороз доры, Татарстанысь Кыш Бабай доры, Карелиысь Паккайне доры, Бурятиысь Саган Убгэн доры, Удмуртиысь Тол Бабай доры, Марий Элысь Юшто Кугыза доры, Чувашиысь Якшамо Ати доры, Ямало-Ненецк улосвылысь Ямал Ири доры но Туваысь Соок Ирей доры.

Тужгес трос куноосты пумитам Россиысь 10 Тол Бабайёс:

  1. Дед Мороз (Великий Устюг, Вологод улосвыл);
  2. Кыш Бабай (Яна Кырлай, Татарстан);
  3. Паккайне (Олонец, Карелия);
  4. Саган Убгэн (Бурятия);
  5. Тол Бабай (Удмуртия);
  6. Юшто Кугыза (Марий Эл);
  7. Якшамо Атя (Мордовия);
  8. Хель Мучи (Чувашия);
  9. Ямал Ири (Ямало-Ненецкий АО);
  10. Соок Ирей (Тува).

Тодэ вайытом, 8-тӥ толсуре «Выжыкылысь геройёс Тол Бабайлэн шаераз» улосвылкуспо фестивале Удмуртие куатетӥ ползэ ни быдэс Россиысь выжыкыл геройёс люкаськозы: Костромаысь Снегурочка, Переславль-Залесскийысь Царь Берендей, Байкалысь Дед Мороз, Вятские Поляныысь Девица-Метелица но мукетъёсыз. Соосты «Ижсталь» йӧ дворецын адӟыны луоз, нош 9-тӥ толсуре — Шаркан ёросысь Тол Бабайлэн усадьбаяз. Отын ик соос Удмуртиысь нырысетӥ Выль ар кызлэсь тылъёссэ ӝуатозы.

Партнеры

Загрузка...
Иворъёс

Удмуртиысь нырысетӥ Выль ар кызлэн тылъёсыз ӝуатскозы 9-тӥ толсуре Тол Бабайлэн усадьбаяз

23.10.2017 15:15
Иворъёс

Удмурт кылбурчиез Анастасия Шумиловаез финн-угор премиен пусйизы

07.11.2017 14:40