09.11.2017 10:17
Иворъёс
«АК-47. 70 лет на службе Отечеству» адӟытон усьтӥськоз Ижкарын

«АК-47. 70 лет на службе Отечеству» адӟытон усьтӥськоз Ижкарын

Фото: Григорий Фомин
Ижкар / Удмуртиын

Туннэ, 9-тӥ шуркынмонэ, Ижкарысь М. Т. Калашников нимо музейын «АК-47. 70 лет на службе Отечеству» адӟытон усьтӥськоз. Со быдэс дуннелы тодмо автоматлэн 70 ар тырмонэзлы сӥземын, ивортэ Удмуртиысь лулчеберетъя но туризмъя министерстволэн пресс-службаез.

Адӟытонлэн инъетаз Артиллерилэн, инженер войскоослэн но герӟетъя войскоослэн ожгар историзыя музейзылэн экспозициысьтыз автоматъёс, кудъёсыз автоматика амалэн ыбылӥсь ожтӥрлыкез кылдытонъя конкурсъёс понна конструкторъёсын 1944–1947 аръёсы лэсьтэмын вал. Соку конкурсын АК-47 вормиз.

«Ваньмыз опытной автоматъёс одӥген гинэ лэсьтэмын, тазьы нырысьсэ возьматӥськозы
Удмуртиысь лулчеберетъя но туризмъя министерстволэн пресс-службаез

Со сяна, учкисьёс Калашников автоматлэн висказ лэсьтэм возьматосъёсыныз но АК-47 автоматэз но соин вожвылъяськись ожтӥрлыкез полигонын эскеронъёс сярысь архивысь материалъёсын тодматскыны быгатозы.

Пусъемын, та адӟытон Михаил Калашниковлэн 100 ар тырмонэзлы сӥзем ужрадъёс пӧлысь нырысетӥез луоз шуыса.


Партнеры

Загрузка...
Иворъёс

Удмуртилэн фестивалез ортчоз Санкт-Петербургын

07.11.2017 11:03
Иворъёс

Спортъя выль министрез Удмуртиын конкурс амалэн быръёзы

08.11.2017 14:49