09.11.2017 11:33
Иворъёс
Анастасия Иванова кырӟанъя «Универвидение» вожвылъяськонэ пыриськоз

Анастасия Иванова кырӟанъя «Универвидение» вожвылъяськонэ пыриськоз

Фото: vk.com (Анастасия Иванова)
Сыктывкар / Россиын

«Элькуновидение-2017» вожвылъяськонлэн финалистэз Алнаш ёросысь Анастасия Иванова кырӟанъя «Универвидение» йӧскалык конкурсэ пыриськоз. Со студентъёс пӧлын Коми Элькунлэн шоркараз, Сыктывкарын, 17–21 шуркынмонэ ортчоз, вераз ивортодэтъя «Удмуртия» агентстволы егит кырӟась.

Анастасия Иванова верамъя, вожвылъяськонэ пыриськыны солы Удмурт кун университетысь Дышетсконтэм дыръя ужанъя но визьноданъя ёзэт ӵектӥз, нош ёзэтлэн ӧнерчиосызлы егит кырӟасез Алина Антонова дэмлаз, кудӥз 2015-тӥ арын «Универвидение» вожвылъяськонын Удмуртилэсь данзэ утиз. 

Кырӟанъя вожвылъяськонын 4 люкет луоз. Нырысетӥез — кырӟасьёслэсь дасям кык кырӟанзэс кылзӥськон. Та люкет бере тужгес трос балл люкам 10 кырӟасьёс финалэ потозы. 

««Элькуновидениын» мае кырӟай вал, сое ик дасясько. Отын кулэ кык кырӟан. Одӥгез луыны кулэ удмурт кылын, йӧскалык кылын, мукетыз — ӟуч кылын. <…> Мон тани «Би-2» группалэсь «Её глаза» (кырӟанзэс — ред.) бырйи
Анастасия Иванова

Кыкетӥ люкетэз финалэ потымтэ муртъёс понна радъяськоз, соослэн нимысьтыз концертсы бере эшшо кыкез финалэ шедьыны быгатозы. Куинетӥ люкетаз дышетскон программа радъяськоз: йылпумъян люкетэ потымтэ артистъёс понна мастер-классъёс, нош финалистъёс понна — йылпумъян концертлы дасяськон.

Финалын кырӟасьёсты удысужлыко жюри но котькуд дышетсконнилэсь ыстэм судъясьёс дунъялозы. Университетъёсысь ыстэм жюри асьсэ кырӟасьсы понна куара сётыны уз быгаты. Тужгес трос куара люкам кырӟась вормисе потоз. Со, «Российская студенческая весна» огъяросси фестивалез радъясьёс чакламъя, 2018-тӥ арын фестивале пыриськыны быгатоз.

Ватсалом, Анастасия Иванова туэ «Элькуновидение» конкурсын Анна Бурдиналэн кылъёсызъя но аслаз крезьгурезъя «Мон гуртам куно гинэ на» кырӟанэз быдэстӥз. 

Тодэ вайытом, 2015-тӥ арын УдГУ-ын дышетскись Алина Антонова «Универвиденилэн» йылпумъян люкетозяз вуиз. Нош кылем арын Удмуртилэсь данзэ конкурсын «Квинтет Патрика» утиз.

Партнеры

Загрузка...
Иворъёс

«Элькуновидениын» вормись Павел Смирнов: кырӟанэз яратон атаелэсь пыӵамын

07.11.2017 12:36
Иворъёс

Удмурт кылбурчиез Анастасия Шумиловаез финн-угор премиен пусйизы

07.11.2017 14:40
Иворъёс

Владислав Лекомцев Галина Кулакова нимо калыккуспо марафонэ пыриськоз

08.11.2017 12:39