14.11.2017 17:58
Иворъёс
Ужрад туризмъя дырпусэн тодматозы Удмуртиын 21-тӥ шуркынмонэ

Ужрад туризмъя дырпусэн тодматозы Удмуртиын 21-тӥ шуркынмонэ

Фото: Алексей Арзамасцев
Ижкар / Удмуртиын

21-тӥ шуркынмонэ Драмая ӟуч кун театрын Удмуртилэн ужрад туризмъя дырпусэныз тодматозы. Со сярысь элькун тӧролэн но кивалтэтлэн пресс-службазы ивортэ.

Куноослы 5 темая блокъёсты возьматозы: адями но инкуазь, сиён-юон, лулчеберет, спорт, ужбергатонъя ужрадъёс. Котькуд блокын луоз быдэн 5 ужрад, кудъёсыз 1-тӥ толсурысен элькунлэн вань муниципал кылдэтъёсаз ортчозы. Быдэс лыдметэз (списокез) нимысьтыз интерактив вӧлметын шараялозы.

Дырпусэз усьтон улсын палэнэ потыса экскурсиос ортчозы. Отын крезьгуръя «Кык нунал Чайковский дорын куноын» маршрутэн, этнотуризм удысын ӵектосъёсын но «Удмуртия — спортлэн интывылэз» ӵектос улсын спортъя ужрадъёсын тодматозы.

Элькунлэн тӧроез Александр Бречалов верамъя, улосвыллэн ӝикыт луэменыз но аспӧртэмлыкъёсыз Удмуртия туристъёслэсь лыдзэс трослы будэтыны быгатоз.

«Огъя дырпусэз кылдытон борды ми одӥг ужпумен кутскимы — палэнысь но, матысь но ӵош ужано эшъёсмылы улосвылмылэн лулчеберетъя но ужрадъёсъя луонлыкъёсыз сярысь вераны, ӵапак со понна со лэсьтэмын
Александр Бречалов, Удмуртилэн тӧроез

Огъя лыдметэ 100-лэсь ятыр спортъя, йӧскалык, лулчеберетъя, удысужлыко но шулдыръяськон ужрадъёс пыризы.

Тодэ вайытом, элькун тӧролэн кичӧлтэмезъя ужрадъёсын огъя дырпусэз кылдытон борды Удмуртиын гудырикошконэ кутскизы. Дырпуслэн валтӥсь ужпумез — адӟытымон ужрадъёсты азинтон но улосвылэ эшшо тросгес туристъёсты кыскон.

Партнеры

Загрузка...
Иворъёс

Иван Маринин Удмуртиысь жилищно-коммунальной возёсъя министерствоысь кошке

14.11.2017 14:30
Иворъёс

Татарстанысь удмуртъёс ӝыны ар куспын 32 ужрад ортчытӥзы

14.11.2017 15:46