05.12.2017 16:48
Иворъёс
Егит драматургъёслы вожвылъяськон ялӥзы Удмуртиын

Егит драматургъёслы вожвылъяськон ялӥзы Удмуртиын

Фото: Григорий Фомин
Ижкар / Удмуртиын

Удмуртиысь Гожъясьёслэн огазеяськонзы драматургия ӧръя удмурт кылын выль произведениос кылдытонъя вожвылъяськон ялӥз. Ужъёсты 1-тӥ южтолэзёзь кутозы. Со сярысь ивортодэтъя «Удмуртия» агентстволы вераз конкурсэз огез радъясь Сергей Антонов.

«Выль пьеса, выль сценарий, выль сцена» вожвылъяськон ньыль ӧръёсъя мыноз: одӥг яке кык ёзэн пьеса, концерт группаослы яке КВН командаослы сценкаос (3–10 сценка), классикъёслэн яке туала гожъяськисьёслэн выжыкылъёссыя лэсьтэм инсценировка но киносценарий.

Вожвылъяськонэ 23 аресозь егитъёс пыриськыны быгато. Сергей Антоновлэн верамезъя, та нырысетӥез конкурс бере, со эскерон выллем луоз.

«Милемлы али «разведка» кулэ, гожъяськисьёсмы вань-а именно драматургия удысын, ӧвӧл-а шуыса. Адӟыны, мар сярысь гожъяло адямиос яке гожъямзы-а потэ мар сярысь, кыӵе кылзы
Сергей Антонов

Егитъёслэн ужъёссы укыр ежесь луозы шуыса Сергей Антонов уг сюлмаськы. Солэн кылъёсызъя, али адямилэсь гожъяськон манерзэ тодыны кулэ, «куд-ог дыръя одӥг предложенилэсь, одӥг малпанлэсь но история кылдытыны луэ».

Вожвылъяськонлэн кыкетӥ люкетаз тужгес тунсыко ужъёсты йылаз-пумаз вуттыны юрттозы тодмо драматургъёс но режиссёръёс. Сергей Антоновлэн верамезъя, егитъёсын ужаны соглаш луэмез сярысь вераз ни, кылсярысь, Анатолий Григорьев. Озьы ик Удмурт театрысь артистъёсын пумиськон радъяны мылкыдыз вань.

«Мон тани малпасько ай яке Ложкин Алексеез, яке (Вячеслав — ред.) Краснопёровез Удмурт театрысь. <…> Драматургъёслы, уката ик кин али кутске, соос артистъёс кадь валэктыны быгатозы сценалэсь устройствозэ, малы ке шуоно ремаркаос гожъяку туж кулэ со: драматург адӟыны кулэ, кытысь артистэз потэ, кыӵе декорациез луэ отын, озьы яра-а сылыны», — валэктӥз вожвылъяськонэз радъясь.

Кутскись драматургъёсын пумиськонъёс гужемозь кыстӥськозы. Собере гинэ вожвылъяськонлэн котькуд ӧрезъя устоосыз ужъёс пусъемын луозы. Финалистъёслэсь ужъёссэс театр коллективъёслы возьматозы но нимаз альманахын поттозы.

Ужъёсты udmurt-drama@mail.ru адресъя лэзьыны луэ.

Нялтас вераса, Сергей Антоновлэн кылъёсызъя, Выль ар бере 23 ареслэсь бадӟым гожъясьёслэсь но ужъёссэс басьтыны кутскозы, оло. Cо сяна, таиз вожвылъяськон емышъёс сётӥз ке, сое азьланяз но ортчытъялозы.

Ватсалом, вожвылъяськонэз радъяны Удмуртиысь Гожъясьёслэн огазеяськонзылы юртто элькунысь Лулчеберетъя но туризмъя министерство, Театрын ужасьёслэн огазеяськонзы, «Удмурт Кенеш» огазеяськон но театр но кино удысысь ӧнерчиос.

Партнеры

Загрузка...
Иворъёс

100 пала ужъёс вуизы ни удмурт кылын устозэ чеберлыко произведениез быръёнъя вожвылъяськонэ

31.10.2017 12:42
Иворъёс

Россиысь финн-угор егитъёслэн форумзы ортчоз Удмуртиын 2018-тӥ арын

05.12.2017 10:34
Иворъёс

Удмурт лулчеберетъя центрлэсь вуоно юртсэ эскеризы Ижкарын 5-тӥ толсуре

05.12.2017 16:07