07.12.2017 09:42
Иворъёс
Егит туристъёсты Удмуртие кыскон понна выль технологиосты кутоно

Егит туристъёсты Удмуртие кыскон понна выль технологиосты кутоно

Фото: Наталья Еркешева
Ижкар / Удмуртиын

Егит туристъёсты Удмуртие кыскон понна та удысын выль технологиосты кутоно но дуннеысь мукет ужась практикаосты пунэмано. Егитъёслэн нырысетӥ финн-угор экспедицизы улсын этнотуризмлы сӥзем котырес ӝӧк дыръя со сярысь ивортодэтъя «Удмуртия» агентстволы веразы элькунысь йӧскалык политикая министр Лариса Буранова но лулчеберетъя но туризмъя министрлэн воштӥсез — туризмъя ёзэтлэн кивалтӥсез Денис Утробин.

Лариса Буранова малпамъя, Удмуртиын трос пӧртэм интыос, адямиос но ужрадъёс, кудзэ туристъёслы дэмланы луэ.

«Адямиос лыкто, тунсыкъясько но, маиз туж шумпоттэ, соос берытско. Нош ик берытско татчы, маке но шедьтыса ӵапак та музъем вылысь», — пусйиз Удмуртиысь йӧскалык политикая министр.

Со дыре ик элькунамы туризм ласянь ляб интыос но вань, лыдъя Лариса Буранова. Нырысь ик соос рос-прос азинскымтэ инфраструктураен, вотэсын улосвылмы сярысь начар ивортодэтэн герӟаськемын. Министр верамъя, туристлы тодыны кулэ, кыӵе кунокуаын со улоз, кыӵе транспорт ужа со интыын, кытчы со мыныны дасяське, быгатоз-а, уз-а аслыз гинэ гид шедьтыны.

«Туж трос кулэ ай лэсьтыны. Учкыны кулэ быдэс дуннеысь вань практикаосты, кудзэ огшоры басьтыны кулэ но та музъем вылын, Удмурт Элькунын сое лэсьтыны. Выль инструмент но кыӵе ке лэсьтыны кулэ, кудӥз асьмелэн ӧвӧл ай
Лариса Буранова

Удмуртиысь лулчеберетъя но туризмъя министрлэн воштӥсез Денис Утробин верамъя, егит туристъёсты элькунамы кыскон ласянь уж али азинске. Кылсярысь, музейёсын экскурсиосъя 3D-туръёс лэсьтӥсько. Татын одӥгез валтӥсь ужпум — историез но утьыны, выль технологиосты но улонэ пыӵатыны, шуэ министрлэн воштӥсез.

«Мон вал Егитъёслэн калыккуспо форумазы Сочиын, кытын ми возьматӥм со продуктъёсты (3D-туръёсты — ред.) но луим нырысетӥосыз пӧлын. Вань егитъёс вылӥ дунъет сётӥзы. Тужгес шумпотымон, та выль амалэз Европаысь егитъёс дунъязы шуыса», — пусйиз лулчеберетъя но туризмъя министрлэн воштӥсез.

Йылпумъяса со ивортӥз, таӵе ужлэн пайдаез адӟиське ни шуыса. Асьме доры лыктӥсь егит туристъёслэн лыдзы будэ, вераз Денис Утробин.

Тодэ вайытом, та нуналъёсы Удмуртиын Егитъёслэн нырысетӥ финн-угор экспедицизы ужа. 6-тӥ толсуре Удмуртиысь, Липецк, Астрахань, Вологда, Волгоград, Москва улосвылъёсысь егит эскерисьёс элькунмылэн этнотуризмез азинтыны луонлыкъёсыз сярысь кенешизы.

Партнеры

Загрузка...
Иворъёс

Россиысь финн-угор егитъёслэн форумзы ортчоз Удмуртиын 2018-тӥ арын

05.12.2017 10:34
Иворъёс

Олимпи чемпионка Тамара Тихонова: нейтральной флаг улын Олимпиадае пыриськонлэсь номыр уродзэ уг адӟиськы

06.12.2017 11:44
Иворъёс

Эскеронъёсъя финн-угор экспедициысь егитъёс Удмуртиын этнотуризмез азинтон луонлыкъёс сярысь кенешизы

06.12.2017 17:26
Иворъёс

Владимир Путин Россилы азьмуртэз быръёнъёсы пыриськоз шуыса вераз

06.12.2017 18:48