10.08.2017 15:43
Иворъёс
Кез каргуртын выль школа пуктонэз 2018-тӥ арын кутскыны быгатозы

Кез каргуртын выль школа пуктонэз 2018-тӥ арын кутскыны быгатозы

Фото: Григорий Фомин
Кез / Удмуртиын

Кез каргуртын 500 интылы школа пуктонэз 2018-тӥ арын кутскыны быгатозы. Со сярысь 9-тӥ гудырикошконэ журналистъёслы вераз улосвыл кивалтэтлэн тӧроезлэн воштӥсезлэсь ужзэ быдэсъясь Наталья Сударикова.

«Федерал программаын, кытчы элькун пыриське, Кезысь школа 2018-тӥ арлы пыртэмын. <…> Куриськон сётыку ми сое одӥгез валтӥсез луэ шуыса пусйимы. Но тросэз потоз солэсь, кӧня коньдон висъялоз федерация та программаез 2018-тӥ арын быдэсъянлы. Ми элькунын валче вылысь коньдон висъяны дась, уката ик сыӵе ужан рад элькунлы туж кельшымон — 81 процентсэ сётэ федерация но 19 процентсэ улосвыл», — вераз Наталья Сударикова.

Кезын улӥсьёсын пумиськылыкуз Удмуртилэн тӧроезлэсь ужзэ огдырлы быдэсъясь Александр Бречалов пусйиз, школаез 2018-тӥ арлы куриськонэ пыртон федерал коньдэтысь уксё басьтонлы но лэсьтӥськонэз кутсконлы умой луонлыкъёс сётэ.

«Школаослы, нылпи садъёслы коньдон шедьтыны ми кулэ. Коньдэтэз шугъяськонъёс шоры учкытэк, ми со понна ваньзэ лэсьтӥськом. Федерал программаосы пыриськон — со туж пайдалыко амал, ми тыршомы валче вылысь тыриськон понна коньдон шедьтыны», — вераз Александр Бречалов.

Тодэ вайытом, со программая Удмуртиын Алнашын, Ижкарын но Можгаын школаосты пукто. Та дырлы элькун Можгаын лэсьтӥськонэз йылпумъян понна гинэ коньдон басьтӥз. Мукетъёсызъя Александр Бречалов Россиысь премьер-министрен Дмитрий Медведевен пумиськылыкуз вераськиз.

Али элькун Ижкарын но Алнашын школаосты пуктонлы аслэсьтыз коньдонзэ сётэ. Россиысь кивалтэтлэн тӧроез кунысь дышетонъя министрез Ольга Васильеваез та кык объектъёслы федерал коньдэтысь уксё висъянэз ӝоггес радъяны куриз.

Партнеры

Загрузка...
Иворъёс

Алнаш черкогуртын выль школаез 2018-тӥ арын 1-тӥ куарусёнлы вуттозы

31.07.2017 09:33
Иворъёс

Черк но купель кылдозы Удмуртиын Кам шур йылын

10.08.2017 14:08
Иворъёс

Ярослав Семёнов Удмуртиысь кивалтэтлэн тӧроезлэн воштӥсезлэсь ужзэ быдэсъясе юнматэмын

10.08.2017 15:01