13.10.2017 15:43
Иворъёс
Кык школа пуктозы Вавож ёросын

Кык школа пуктозы Вавож ёросын

Фото: Григорий Фомин
Вавож / Удмуртиын

Вавож ёросысь Кион но Ӝуё гуртъёсын школа пуктозы. Муниципал кылдытэтэ 12-тӥ коньывуонэ вуылыкуз со сярысь вераз Удмуртилэн тӧроез Александр Бречалов.

«Кион гуртысь школаез инъет луись ӵектосэн чаклам сярысь дунтэмгес пуктыны быгатомы, малпасько, кулэ коньдон шедьтомы
Александр Бречалов, Удмуртилэн тӧроез

«Бадӟым Можгаын школа сярысь верано ке, ёрос администрациысь дышетонъя управленилэн кивалтӥсез Анатолий Тарасов тунсыко, кузё синмын учкыса ӵектон сётӥз — выль школа пуктонэ коньдон кисьтэм интые бускель Ӝуё гуртын буш сылӥсь юртэз рос-прос выльдыны, отчы пиналъёсты автобусэн нуллыны», — вераз улосвыл кивалтӥсь.

Кион гуртын школаез пуктон элькун программае 2018-тӥ арлы пыртэмын, но коньдэтын уксё тырмыт ӧвӧл на. Нош Бадӟым Можгаысь школа, кытын бускель Ӝуё гуртысь пиналъёс дышетско, туж вужмемын.

Александр Бречалов умоен пусйиз, ёросысь куд-ог мерлык объектъёс нимаз инвестициос чотын пуктӥсько шуыса.

«Мон валасько, Владимир Красильниковен, но („Колос“ возёслэн кивалтӥсез — ред.), мукет ужбергатӥсьёсын но мынам юн кусыпъёсы луозы», — вераз улосвыл тӧро.

Ватсалом, 2018-тӥ арын пӧсьтолэзе Выль Бия гуртын выль нылпи сад усьтыны чаклало, со «Колос» возёс юрттэмен пуктӥське. Со сяна, вуоно арын ик Вавож ёросын кык сюресъёсты тупатыны кулэ — Ӟозлудысь — Ӟозлудпочинкаозь но Водӟиысь Брызгал пыр Мӧньяозь.

Партнеры

Загрузка...
Статьяос

Надежда Пчеловодова: удмурт кылэз тодэме вуттӥз Эстоние

13.10.2017 12:17
Иворъёс

Кык сюресэз тупатозы Вавож ёросын

13.10.2017 13:12