Понедельник, 21 августа 2017
Ижевск +24 °C
09.08.2017 10:54
Иворъёс
5–7 аресъем пиналъёсын ужаны удмурт кылын выльдэм тетрадь потӥз Удмуртиын

5–7 аресъем пиналъёсын ужаны удмурт кылын выльдэм тетрадь потӥз Удмуртиын

Фото: Майя Бывальцева
Ижкар / Удмуртиын

5–7 аресъем пиналъёслы мумы-бубыосынызы ӵош ужан «Ог-огедлы ӟечен» тетрадь потӥз «Удмуртия» издательствоын. Кык люкетэн бичет дышетонъя кун федерал стандартъёсъя выльдэмын. Иворъёсъя «Удмуртия» агентстволы со сярысь вераз тетрадез кылдытӥсь, Дышетон удысысь йӧскалык ужпумъёсты тодон-эскеронъя институтысь тодосъя валтӥсь ӧнерчи Елена Николаева.

Та тетрадь нылпи садын визьнодасьёс понна «Ог-огедлы ӟечен» пособие борды ватсэт луэ. Нырысьсэ 2006-тӥ арын одӥг люкетэн 80 бамен поттэмын вал, табере со быдэн 40 бамен кык люкетэн луиз.

«Со азьвыл но анай-атайёсын ужаны вылысь лэсьтэмын вал. Туала куронъёсъя нырысь интые анай-атай пуктэмын, собере — визьнодась. Мынам огъя методкомплектэ, научно-методической пособие «Ог-огедлы ӟечен», 2004-тӥ арын потэмын, со борды таиз тетрадь лэсьтэмын вал. Но табере отын мон ӧжытак чаклай куронъёсызъя, арлыдъя тырмыт но мед луоз шуыса, куд-ог интыоссэ тупатъяй, капчигес мед луозы шуыса. Со сяна, кӧня ке суредъёсаз воштӥськонъёс пыртӥмы. Мон шумпотӥсько, азьвыл милям малпанъёсмы туала улонлэсь кыльылэмын ӧвӧл, валаськом вылэм кудпала мыныны шуыса», — пусйиз Елена Николаева.

Солэн верамезъя, куд-огез визьнодасьёс вить ареслэсь пичигес пиналъёсын но та тетрадьёсъя ужало, со сяна, школаос продлёнкае басьто.

«Кылъя но татын уж мынэ, чеберлыкез валанъя но, сэре сётэмын ужрадъёс, шудонъёс, кудъёсыз нылпилэсь быгатонлыксэ, етӥзлыксэ, визьзэ лэчытгес каро, мукет сямен вераса, познавательной. Ваньмыз пӧлэстӥськыса мынэ, но социально-коммуникативноез азьланьгес мынэ, малы ке шуоно со удмурт калык пӧлын удмуртлыкез валаса, огъя калык пӧлын но дӥсьтӥсь но, валась но, визьмо мед луоз шуыса будэтыны
Елена Николаева

Солэн кылъёсызъя, улон возьматӥз, та тетрадь анай-атайёслы но, визьнодасьёслы но тунсыко потэ.

«Вазенгес переиздание луыны кулэ вал ини, шумпотӥсько, со выльысь потӥз на, киязы нош вуоз шуыса. Верамъёссыя, кӧня кин ужаз, куд-ог ужъёс анай-атайёсты но малпаськыто, соин ик мон шумпотӥсько — малпаськытӥсез но вань, киез но ужатӥсез, сюлэмез но, визьмез но шуэм сямен», — пусйиз Елена Николаева.

Партнеры

Загрузка...
Журналист утчаськомы
Иворъёс

Венгер тодосчиос удмурт кылъя электрон учебникъёслы синмаськизы

16.06.2017 17:57
Иворъёс

95 нылпиос быръемын «Шундыкар» лагере мынон понна

08.08.2017 11:33