11.08.2017 09:59
Иворъёс
Удмуртиын 93 процентлэсь тросэз дышетон ужъюртъёс выль дышетскон арлы дасесь

Удмуртиын 93 процентлэсь тросэз дышетон ужъюртъёс выль дышетскон арлы дасесь

Фото: Григорий Фомин
Ижкар / Удмуртиын

Удмуртиысь 1 сюрс 256 дышетон ужъюртъёс, нош со ваньмыз пӧлысь 93,2 процентэз, выль дышетскон арлы дасесь. Со сярысь 10-тӥ гудырикошконэ вераз Россиысь МЧС-лэн элькунъя Валтӥсь управлениысьтыз чаклан но алон ужез нуонъя управленилэн кивалтӥсезлэн воштӥсез Алексей Татаркин улосвыл кивалтэтлэн Шимучыръёсты алонъя но бервылзэс утялтонъя но тылпулэсь утиськонэз радъянъя ӧриезлэн кенешоназ.

Дышетсконниосты кутӥсь ӧриослэн ужзы 12 ёросъёсын но одӥгаз карын йылпумъяськиз ни. Выль дышетскон арлы 100 процентлы дась Вотка, Глаз, Грак, Дэбес, Камбарка, Каракулино, Красногорск, Можга, Ува, Юкаменск, Яр ёросъёс, Ижкарысь Ленин ёрос но Можга. Тросаз мукетъёсаз муниципалитетъёсын дасьлык 93 процентысен 97-озь. Дасьлыксы тужгес улӥын Дэри (56,7 процент), Сьӧлта (76,2 процент) но Вавож (79,3 процент) ёросъёсын.

«Ми сюлмаськиськомы, угось дышетсконниосты кутон 18-тӥ гудырикошконозь йылпумъямын луыны кулэ. Но та дырлы тупатъян-лэсьтӥськон ужъёс йылпумъямтэ Ижкарысь «Столичный» микрорайонысь школаын но 16, 34, 50, 79 номеро школаосын, отын липетъёсты но спортзалъёсты тупатъяло», — вераз Татаркин.

Куиняз школаосын тылпулэсь утиськон ёзэсэ автоматика амалэн сигнал сётонъя курон быдэстымтэ. Россиысь МЧС-лэн элькунъя Валтӥсь управлениезлэн кивалтӥсез Пётр Фомин муниципалитетъёсты та ужпумъёсты вакчи дыр куспын сэрттыны-пертчыны косӥз.

«Выль дышетскон арлы дасяськонлы таяз арын федерал но элькун коньдэтъёсысь 705 миллион манет висъямын. Со быдӟа коньдон милям кемалась ӧй вал ни, соин ик ми школаосты зэмзэ но ӟечлыко дасяломы шуыса оскон вань», — пусйиз элькунысь дышетонъя но тодосъя министрлэсь ужзэ быдэсъясь Алексей Шепталин.

Роспотребнадзорлэн Управлениез ласянь тросэз алонъёс лукырес школаосын, пӧран интыослэн ваньбуренызы но санитарной-эпидемиологической йылпумъянъёс ӧвӧлтэмен герӟаськемын луо. 

Удмуртиысь кивалтэтлэн тӧроезлэн воштӥсезлэсь ужзэ быдэсъясь Ярослав Семёнов интыысь аскивалтон ёзэсъёслэсь кивалтӥсьёссэс выль дышетскон арлы дасяськон сярысь ивортонъёсты 18-тӥ гудырикошконысен арнялы быдэ сётъяны куриз.

Партнеры

Загрузка...
Иворъёс

Ярослав Семёнов Удмуртиысь кивалтэтлэн тӧроезлэн воштӥсезлэсь ужзэ быдэсъясе юнматэмын

10.08.2017 15:01
Иворъёс

Кез каргуртын выль школа пуктонэз 2018-тӥ арын кутскыны быгатозы

10.08.2017 15:43