Понедельник, 21 августа 2017
Ижевск +24 °C
11.08.2017 17:29
Иворъёс
19 миллион 450 сюрс манет басьтоз Удмуртия ИТ-ӧнерчиосты дасянлы

19 миллион 450 сюрс манет басьтоз Удмуртия ИТ-ӧнерчиосты дасянлы

Фото: images.esosedi.ru
Ижкар / Удмуртиын

ИТ-ӧнерчиосты дышетон сӧзнэтэз выльдон понна Удмуртия 19 миллион 450 сюрс манет басьтоз. Со сярысь ивортэ элькунысь дышетонъя но тодосъя минстерстволэн пресс-службаез.

Федерал коньдэтысь субсидия басьтон понна быръёнэ 55 улосвылъёс пыриськизы, элькунмы 44 вормисьёс пӧлы шедиз. Висъям коньдон Удмуртие 2018-тӥ арын вуоз. Со чотын Ижысь промышленностья но экономикая колледж вылын Валче ужанъя улосвыл площадка кылдытозы.

Отын дышетонъя выль программаосты но технологиосты дасян ужен кивалтон но ресурсъёсын юрттон радъямын луоз. Чакланъёсъя, площадкаын устоосыз ресурсъёс огазеямын луозы: вылӥ технологиосъя туала тӥрлык, дышетӥсьёс, дышетонъя тужгес выль материалъёс. Со сяна, ӧнер дышетсконниослэсь валче ужзэс радъялозы.

Ижысь промышленностья но экономикая колледжез юнме шорысь ӧз быръе, отын WorldSkills Russia чемпионатлэсь улосвлы люкетсэ кык пол ортчытъязы, 2017-тӥ арын инвожое WorldSkills Russia чемпионатлэсь «Веб-разработка» ӧръя экзамензэ ортчытонъя пилотной ӵектоссэ эскеризы.

Партнеры

Загрузка...
Журналист утчаськомы
Иворъёс

Удмуртиын 93 процентлэсь тросэз дышетон ужъюртъёс выль дышетскон арлы дасесь

11.08.2017 09:59