16.03.2017 12:37
Новости
Валерий Грахов ИжГТУ-лэн ректорезлэсь ужъёссэ быдэсъяны кутскиз

Валерий Грахов ИжГТУ-лэн ректорезлэсь ужъёссэ быдэсъяны кутскиз

Фото: Диана Чайникова
Ижкар / Удмуртиын

Валерий Грахов ИжГТУ-лэн ректорезлэсь ужъёссэ быдэсъян борды басьтӥськиз. Нырысетӥ ужан нуналысеныз вузын дышетонъя но тодосъя быръёнъёслэсь азьвыл дасям ужанрадлыксэ улонэ пыӵатон кутскиз. Со сярысь иворъёсъя «Удмуртия» агентстволэн корреспондентэзлы вераз Ижкарысь Калашников нимо техникая кун университетлэн выль ректорез.

«Талэсь азьвыл мон «Развитие» элькун ассоциациысь ӧнерчиосын пумиськылӥ. Отчы Удмуртиысь валтӥсь предприятиослэн кивалтӥсьёссы пыро. Огкылэ вуэмын, вузмы инженеръёслы кулэяськись промышленной компаниосын но огазеяськонъёсын валче ужан инъетсэ паськытатоз шуыса. Нош соосты дасянъя опытэз ИжГТУ-лэн 65 ар ӵоже быдӟым ини. Но со арсенал туннэ нуналлэн куронъёсъя выльдӥськонъёсты кулэ каре
ИжГТУ-лэн ректорез Валерий Грахов

Со сяна, солэн верамезъя, 2018-тӥ арын университетын нырысьсэ жилищно-коммунальной возёс удыслы ӧнерчиос дасян понна абитуриентъёсты кутыны кутскозы. Чакламъя, со выль ӧрез теплотехнической факультет ас вылаз басьтоз.

ИжГТУ жилищно-коммунальной возёслы араз 200-лэсь ятыр ӧнерчиосты поттыны быгатоз шуыса чакламын. Удмуртилы гинэ ӧвӧл, кунысьтымы мукет улосъёслы но.

15-тӥ южтолэзе вузлэн азьвыл ректорезлэн Борис Якимовичлэн ужоскетъёсызлэн дырыз йылпумъяськемен, проректоръёслэн но ужоскетъёссы пумаз вуизы. Луозы-а соос пӧлын воштӥськонъёс, выль ректор Валерий Грахов уг на вера.

ВАТСАН

Ижысь техникая кун университетын 800-лэсь ятыр дышетӥсьёс ужало. Вузлэн 12 факультетъёсаз но филиалъёсаз 22 сюрслэсь трос студентъёс но аспирантъёс визь люкало. Инженеръёсты 65 ӧнеръёсъя дасяло, бакалавръёсты — 48 ӧръя, магистръёсты — 37 ӧръя.  
Калашников нимо техникая кун университетын ужало 105 докторъёс но профессоръёс; тодосъя 396 кандидатъёс но доцентъёс. Ужало 61 кафедраос, диссертациосъя 7 кенешъёс. Вуз Умдуртиысь но Пермь улосысь каръёсын филиалъёс возе — Воткаын, Сарапулын, Чайковскийын но Глазкарын.


Партнеры

Загрузка...
Журналист утчаськомы
Иворъёс

Ижкарысь Анапаозь меӵак поезд нырысьсэ ветлыны кутскоз 2017-тӥ арын

16.03.2017 10:07
Иворъёс

Ижкар сярысь видеоролик «Россия глазами дронов» конкурсын кыкетӥ инты басьтӥз

16.03.2017 10:57