15.03.2017 18:31
Новости
«Бадӟым удмурт диктант» гожтонлэн дырыз тодмо луиз

«Бадӟым удмурт диктант» гожтонлэн дырыз тодмо луиз

Фото: Григорий Фомин
Ижкар / Удмуртиын

«Бадӟым удмурт диктант» гожтыны мылкыд карисьёсты Удмурт кун университетлэн кыкетӥ дышетон юртаз 8-тӥ оштолэзе 11 часын возьмало. Нош «Мынам Удмуртие» радиолэн меӵак эфирез улсын гожтыны луоз со нуналэ ик 15 часын. Со сярысь иворъёсъя «Удмуртия» агентстволэн корреспондентэзлы вераз ужрадэз огез радъясь, Удмурт кун университетысь Удмурт кылосбуръя, финно-угроведениея но журналистикая институтысь дышетӥсь Ольга Стрелкова.

Пусъёмы, диктантлэн ужпумез луэ - удмурт кылын янгышъёстэк, чебер, вольыт гожъяськонлы саклык висъян.

«Вераськимы, сертификатъёс туэ ваньзылы ум сётэ шуыса. Малы ке шуоно туж ӧжыт баллъёслы гожтэм ужъёс но сертификатъёс басьтыны азьло аръёсы быгато вал. Туэ чурытгес курон пуктӥськом. Соин ик 70 баллэсь трос люкам муртъёслы гинэ сертификат сётэмын луоз. Кӧня ке пӧсяно, ужано мед луозы шуыса. Дунлыкез со сертификатлэн мед луоз
кылосбур тодосъя кандидат Ольга Стрелкова

Солэн верамезъя, кылем арен ӵошатыса, туэ текст секытгес луоз, шугъяськонъёс пунктуация ласянь луыны быгатозы. 

Тодэ вайытом, туэ «Бадӟым удмурт диктантлы» текстэз биологи тодосъя доктор Виктор Туганаев гожтӥз. Со сад-бакчаяз пӧртэм будосъёс будэтӥсь муртлы сӥземын луоз.

«Бадӟым удмурт диктант» элькунамы куатетӥзэ ни ортчоз. Ужрадэ вань мылкыд мылкыд карисьёс пыриськыны быгато. 2016-тӥ арын «Бадӟым удмурт диктант» 16-тӥ оштолэзе ортчиз. Текстэз Удмуртиысь калык писатель Василий Ванюшев гожтӥз. Ужрадэ 565 адями пыриськиз. Кык адями 99 балл басьтӥз.

Партнеры

Загрузка...
Журналист утчаськомы
Иворъёс

Музъемез киултон 800 учыр шараямын Удмуртиын 2016-тӥ арын

15.03.2017 15:36
Иворъёс

Сюресъёс вылысь гопъёсты ворсаны кутскизы Удмуртиын

15.03.2017 17:58