16.03.2017 10:07
Новости
Ижкарысь Анапаозь меӵак поезд нырысьсэ ветлыны кутскоз 2017-тӥ арын

Ижкарысь Анапаозь меӵак поезд нырысьсэ ветлыны кутскоз 2017-тӥ арын

Фото: Григорий Фомин
Ижкар / Удмуртиын

«Ижкар-Анапа» меӵак поезд ветлыны кутскоз 2017-тӥ арын. Кызьы вераз журналистъёслы 15-тӥ южтолэзе «Федеральной пассажирской компанилэн» Горький ёзэтэзлэн кивалтӥсез Александр Попов, сыӵе пумкылъян кутӥзы Ижкарысь вагон участоклэн 2016-тӥ арын экономика ласянь пайдалыко ужамезлы луыса.

«2017-тӥ арлы ми ватсаса выль ӧр пыртӥм. <…> Со Анапаозь поезд. 2017-тӥ арын 8-тӥ инвожоысен 16-тӥ куарусёнозь выль поезд юнматэмын. Милям вал Адлере, Новороссийске ветлӥсь поездъёсмы, табере ми вуиськом Анапае», — ивортӥз Александр Попов.

Солэн верамезъя, выль ӧръя выль поезд кык нуналлы огпол ветлоз.

Чакланъёсъя, азьланяз, Керчь выжез усьтэм бере, Ижкарын улӥсьёс поездэн Крыме но вуылыны быгатозы. 

Партнеры

Загрузка...
Журналист утчаськомы
Иворъёс

+4 градусозь шуныт луоз Удмуртиын нуназе 16-тӥ южтолэзе

16.03.2017 09:20