Понедельник, 25 сентября 2017
Ижевск +4 °C
16.03.2017 17:14
Иворъёс
Уждунъя пунэмъёс Удмуртиын 1-тӥ южтолэзьлы 34 миллион 200 сюрс манет тыр люкаськизы

Уждунъя пунэмъёс Удмуртиын 1-тӥ южтолэзьлы 34 миллион 200 сюрс манет тыр люкаськизы

Фото: Григорий Фомин
Ижкар / Удмуртиын

2017-тӥ арын 1-тӥ южтолэзьлы Удмуртиын уждунъя пунэмъёс 34 миллион 200 сюрс манет люкаськизы. Удмуртстат вылэ чӧлскыса со сярысь  ивортэ элькунысь Ужъя но миграци политикая министерстволэн пресс-службаез.

Удысэтлэн ивортонэзъя, уждунъя пунэмъёс улосысьтымы 3 предприятиосын вань. Ужамзы понна коньдон ӧз басьтэ 560 тыршисьёс. Озьы ке но, пусйыны кулэ, туэ лыдпус кылем арынлэсь ӧжытэзтэк кык поллы пичигес. 2016-тӥ арын южтолэзьлы пунэмъёс 62 миллион манет тыр вал.

Пусйыны кулэ, 2016-тӥ арын куарусёнысен Удмуртиысь Ужъя но миграци политикая министерство кун но муниципал унитарной предприятиосын ужасьёслы уждунэз дырыз дыръя тыронэз толэзьлы быдэ чакласа возе. Удмуртиысь кун тӧрлык ёзэсъёслы но элькунысь интыысь аскивалтон ёзэсъёслы пунэмъёс кылдонэз алыны косон сётэмын. Та дыре вылысь кылдӥсь пунэмъёс ӧвӧл.

Партнеры

Загрузка...
Иворъёс

Устозэ инвесторез быръёнъя конкурс ортчытозы Удмуртиын

16.03.2017 15:11
Иворъёс

Цирк искусствоосъя калыккуспо нылпи фестиваль радъяны быгатозы Ижкарын

16.03.2017 16:32