Среда, 28 июня 2017
Ижевск +19 °C
USD 59.54EUR 67.69
17.03.2017 12:08
Иворъёс
Гожъясь Захар Прилепин лыктоз Ижкаре

Гожъясь Захар Прилепин лыктоз Ижкаре

Фото: mkrf.ru
Ижевск / Удмуртиын

Ижкаре Россиысь гожъясь Захар Прилепин лыктоз. Со лыдӟисьёсыныз 28-тӥ южтолэзе 19 часын Удмуртиысь кун филармониын пумиськоз, вераз иворъёсъя «Удмуртия» агентстволы ужрадэз радъясь Сергей Ершов.

Солэн кылъёсызъя, ужрад Прилепинлэн «Взвод. Офицеры и ополченцы русской литературы» книгаез потонлы сӥземын луоз. Отын со гожтэ Зарни даурысь кылбурчиос но прозаикъёс сярысь, кудъёсыз киязы перо гинэ ӧвӧл, ожтӥрлык но возьыны быгатӥзы. Озьы ик пумиськонын Добассэ гуманитарной юрттэт келянэз радъясь огазеяськонъёслэн ёзчиосыныз тодматозы.

«Ваньмыз юан-веран амалэн ортчоз. Гожъясь мар потэ, сое ик вералоз», — ивортӥз Сергей Ершов.

Озьы ик со пусйиз, Захар Прилепинэн пумиськонэ билетъёс дунтэк вӧлмытӥсько шуыса. Соос трос ӧвӧл ни, но кылемын на. Басьтыны мылкыд карисьёс радъясьлы 8 (912) 444-70-44 номеръя жингыртыны быгато.

ВАТСАН

Захар Прилепин (зэмос нимыз — Евгений Николаевич Прилепин) вордскиз 1975-тӥ арын 7-тӥ пӧсьтолэзе Рязань улосвылысь Скопин ёросысь Ильинка черкогуртын. Ӟуч гожъясь, филолог, публицист, озьы ик тодмо Россиын но бускель кунъёсын мер но политика, гуманитарной но ожгар ужъёсы пыриськеменыз.


Партнеры

Загрузка...
Журналист утчаськомы
Иворъёс

Йӧскалык удмурт кино сярысь вераськонэ пыриськыны ӧтё 20-тӥ южтолэзе Ижкарын

17.03.2017 10:58