20.03.2017 15:27
Иворъёс
5 сюрс пала адями вуылӥз Ижкарын «Весна России» фестивале

5 сюрс пала адями вуылӥз Ижкарын «Весна России» фестивале

Фото: Алексей Арзамасцев
Ижкар / Удмуртиын

18-тӥ южтолэзе Ижкарын ортчем «Весна России» фестивале 5 сюрс пала адями вуылӥз. Со сярысь аппарат кенешонын ивортӥз Удмуртилэн тӧроез Александр Соловьёв.

«Туж тунсыко ортчиз», — пусйиз элькунлэн кивалтӥсез.

Шулдыръяськон Киров нимо паркын ортчиз. Валтӥсь сцена вылысен учкисьёсты шумпоттӥзы улосвылысь творчествоя коллективъёс: кырӟанъя но эктонъя «Италмас» кун академ ансамбльысь но Вотка ёросысь ӟуч кырӟанъя «Забава» калык ансамбльысь артистъёс.

Тодэ вайытом, та выллем ужрадъёс быдэс кунын ортчизы. Соос Крымлэн Россие берытскемез дырысен куинь ар тырмонлы сӥземын вал.


Партнеры

Загрузка...
Журналист утчаськомы
Иворъёс

58 сюрс тонна лымыез поттӥзы южтолэзе Ижкарысь урамъёсысь

20.03.2017 12:38