18.04.2017 09:58
Иворъёс
Ужтэк кылемъёслэн лыдзы Удмуртиын 2017-тӥ арын нырысетӥ кварталын кулэсмиз

Ужтэк кылемъёслэн лыдзы Удмуртиын 2017-тӥ арын нырысетӥ кварталын кулэсмиз

Фото: savanews.ru
Ижкар / Удмуртиын

2017-тӥ ар кутсконысен Удмуртиын ужтэк кылемъёслэн лыдзы кулэсмиз но 1,13 процент луиз. Кызьы ивортӥзы элькунысь ужъя министерстволэн пресс-службаяз, кылем арын та дырлы ик лыдпус бадӟымгес вал — 1,29 процент.

Элькунысь калыкез уже интыянъя ёзэсын ужтэк кылемъёс 9 сюрслэсь кӧня ке тросгес пусъемын. Улосвыл министерство ивортэмъя, соослэн лыдзы тужгес шӧдскымон кулэсмиз Алнаш (-25 процент) но Дэбес (-26 процент) ёросъёсын.

Пусъём, 3 каръёсын но 4 ёросъёсын ужтэк кылемъёслэн лыдзы элькунъя шоро-куспо лыдпуслэсь ӧжытгес: Воткаын — 0,66 процент, Ижкарын — 0,80 процент, Можгаын — 0,87 процент, Дэри ёросын — 0,64 процент, Ува ёросын — 0,77 процент, Эгра ёросын — 0,84 процент, но Якшур-Бӧдья ёросын — 0,88 процент.

Таяз арын куинь толэзьскын калыкез уже интыянъя ёзэсъёсы уж сётӥсьёслэсь 12 сюрс 400 вакансиос сярысь ивортонъёс вуизы. 1 сюрс 683-ез со пӧлысь ёзэсэн валче нимысьтыз программаосты быдэсъясь огазеяськонъёслэсь.

Вераны кулэ, ужасьёслы кулэяськон будӥз 19 интывылъёсын — Алнаш, Балезино, Грак, Дэри, Эгра, Камбарка, Кизнер, Кияса, Красногорск, Сьӧлта, Ува, Шаркан, Юкаменск, Яр ёросъёсын но Ижкарын, Воткаын, Глазкарын, Можгаын, Сарапулын.

Выль ӧнерлы дышетскыны таяз арын келямын 1 сюрс 143 ужтэк кылемъёс, арлыдзыя пенсие потэм 19 мурт, 3 аресозь нылпиенызы пукись 80 нылкышноос.

Калыкез уже интыянъя ёзэс юрттэмен 2017-тӥ ар кутсконысен 3 сюрс 554 адями уж шедьтӥз, со пӧлын 160 сӧсыръёс.

Азьло сямен ик, ужъя рынокын тужгес кулэ вуриськисьёс, токарьёс, слесарьёс, трактористъёс, пыжиськисьёс, арматурщикъёс.

Ужпӧр кулэсмемен но кулэяськон ӧвӧлэн сэрен 50 огазеяськонъёсын 3 сюрс 14 адями вакчиятэм ужан дыре выжтэмын , уж сётӥсьлэн янгышезъя 5 огазеяськонъёсын 89 адями уг ужа.

Партнеры

Загрузка...
Иворъёс

Гужемлы 66 автобус маршрутъёс усьтозы таяз арын Удмуртиын

17.04.2017 15:56
Иворъёс

Кот лымы усёз но +5 градусозь луоз Удмуртиын 18-тӥ оштолэзе

18.04.2017 09:15