Вторник, 25 апреля 2017
Ижевск +5 °C
USD 55.85EUR 60.79
18.04.2017 14:51
Новости
«Катюша» кырӟанэз 9-тӥ куартолэзе Удмуртиысь вань ёросъёсын огдыре быдэстозы

«Катюша» кырӟанэз 9-тӥ куартолэзе Удмуртиысь вань ёросъёсын огдыре быдэстозы

Фото: Алексей Арзамасцев
Ижкар / Удмуртиын

9-тӥ куартолэзе Удмуртиын «Катюша» элькун ужрад ортчоз. Вормон нуналэ 13 часын тодмо кырӟанэз элькунысь вань площадкаосын быдэстозы. Со сярысь вераз улосвылысь мерлык, семья но демографи политикая министрлэсь ужзэ быдэсъясь Ольга Корепанова.

Озьы ик Вормон нуналэ Ижкарын мукет ужрадъёс но ортчозы:

  • 9:00 — Ялан ӝуась тыл доры сяськаос понон;
  • 10:00 — Шор площадьын парад, но праздниклы сӥзем шествие;
  • 11:00—15:00 — ньыль площадкаосын «вормон бере шутэтскон», отын творчествоя коллективъёслэн возьматонъёссы луозы;
  • 16:00—22:00 — Шор площадьын калык шулдыръяськонъёс ортчозы;
  • 19:55—20:00 — Быдӟым Атыкай ожын быремъёсты буре вайыса чус улон;
  • 22:00 — праздниклы сӥзем фейерверк.

«Вераны кулэ, туннэ котькуд муниципал кылдытэт та нуналэз пусйыны аслэсьтыз программазэ дася, со программаос муниципал кылдытэтъёслэн сайтъёсазы луозы. Со сяна, нимаз программа луоз милям удысмыя», — вераз министрлэсь ужзэ быдэсъясь.

Ижкарын Вормон парадэ нырысьсэ пыриськозы юнармилэн колоннаез но санитаркаос. Праздник ужрадъёслы оглом 1 миллион 300 сюрс манет пала быдтозы.

Праздник азьын школаосын «Быронтэм полк» темая эскерон ужъёс мыно, пиналъёс ӵыжы-выжыоссы — ожысь но ужысь геройёс сярысь возьматонъёс лэсьтозы.

Ольга Корепановлэн верамезъя, Удмуртиын Быдӟым Атыкай оже пыриськем 615 адями, концлагере шедьылэм 85 адями, «Житель блокадного Ленинграда» пусэн пусъем 59 адями но фронт мышкын ужам 16 сюрс 512 адями улэ.

Партнеры

Загрузка...
Журналист утчаськомы
Иворъёс

Куасэн бызьылонъя Галина Кулакова нимо ӵошатсконъёсты Удмуртиын радъяны инвестор вань

18.04.2017 14:15