18.04.2017 17:25
Иворъёс
Удмуртиысь бесерманъёслэн огазеяськонзылэн тӧроез: калыкез утён понна нырысетӥ интые поттоно мер но экономика ужпумъёсты

Удмуртиысь бесерманъёслэн огазеяськонзылэн тӧроез: калыкез утён понна нырысетӥ интые поттоно мер но экономика ужпумъёсты

Фото: udmddn.ru
Глазкар / Удмуртиын

Глазкарысь калыкъёслэн эшъяськон юртазы 15-тӥ оштолэзе Удмуртиын улӥсь бесерманъёслэн огазеяськонзылэн йылпумъян-быръён кенешаз калыклэсь тунсыкъёссэ утьыны нош ик оскизы Сергей Антугановлы. Со но правленилэн выль ёзчиосыз куинь арлы быръемын. Иворъёсъя «Удмуртия» агентстволэн корреспондентэзлы азьланезлы пуктэм ужпумъёс сярысь вераса, Сергей Антуганов пусйиз, нырысетӥ интые мер но экономика ужпумъёсты поттыны кулэ.

Туннэ бесерман гуртъёс вань Юкаменск, Яр, Балезино, Глаз ёросъёсын. Тросэз уло Глазкарын. Мер огазеяськонлэн тӧроез верамъя, лулчеберетэн, фольклорен герӟаськем ужъёс озьы-а, тазьы-а мыно. Но со гинэ калыкез утьыны уз юртты.

«Асьме кивалтӥсьёсмы туж уг малпало, лэся, со сярысь. <…> Кык сюрс гинэ кылемын ни бесерманъёс. Нош улэм потэ кема, бесерманъёс кема мед улозы дуннеын. Собере 11, оло, 15 бесерман гуртъёс кылемын, соосты кызьы ке возёно вал кемагес. Кӧс сюресъёс но соослэн мед луысалзы, газ но мед пыртэмын луысал соослэн гуртъёсазы. Школаос но медаз пытсаське вал. Мар ке гурт хозяйствоез но малпано вал, медаз пытсаське шуыса, юрттоно кызьы ке. Вань ке пичигес фермаос, со фермалы но кызьы ке юрттоно вал
Удмуртиысь бесерманъёслэн огазеяськонзылэн тӧроез Сергей Антуганов

Россиын «Ӧжыт лыдъем выжы калыкъёслэн эрикрадъёссыя оскетъёс (гарантиос) сярысь» кат кутэмын. Кун кивалтэтэн юнматэм лыдметэ пыртэмын бесерманъёс но. Умой луысал, Удмуртиын сыӵе ик элькун кат но кутэмын луысал ке, лыдъя огазеяськонлэн кивалтӥсез, соку курон-вазиськонъёсты ӝоггес но пайдаен сэрттыны-пертчыны луысал.

«Кинлы ке кутсконо, гожтоно со катэз. Вань ӧнерчиос Кун Кенешын но, кутскысалзы ке, ми соослы юрттысалмы. Сыӵе кат кылдытыны кичӧлтон сётыны ми медӥськом, малпаськом, кызьы Кун Кенеше каткылдытон кичӧлтонэн пырыны. Со кат кемалась кулэ ни. <…> 20 ар, дыр, ми со сярысь вераськиськомы ни. Соку вераськон мынэ вал бесерман калыклы юрттонъя программа сярысь. Но мынам малпамея, кат кулэ», — вераз Сергей Антуганов.

Солэн кылъёсызъя, со «ас выламы шобретэз кыскон» ӧвӧл. Бесерманъёслы юрттон улсын, мукетызлы но умой луоз

«Со курон-юанъёс бесерманъёс понна гинэ ӧвӧл, ми ведь огнамы ум улӥське. Милемын артэ уло ӟучьёс но, удмуртъёс но, бигеръёс но. Со ведь кыльысал муниципал кылдытэтлы, ёрослы», — лыдъя Антуганов.

Йылпумъян-быръён конференциын огазеяськонлэсь 2017-тӥ арлы ужанрадлыксэ юнматӥзы. Матысез бадӟым ужрадзы лулчеберетэн герӟаськемын. 10-тӥ инвожое Яр ёросын бесерман калыклэн «Кӧрбан» йӧскалык праздникез ортчоз.

Партнеры

Загрузка...
Иворъёс

Татьяна Ишматова: Удмуртилэн тӧроезлэсь ужзэ огдырлы быдэсъясен пумиськонэз удмурт гуртын ортчыны малпаськомы

17.04.2017 14:23
Иворъёс

«Катюша» кырӟанэз 9-тӥ куартолэзе Удмуртиысь вань ёросъёсын огдыре быдэстозы

18.04.2017 14:51