17.05.2017 11:43
Иворъёс
30 дугдылонниос пуктозы Ижкарын 2017-тӥ ар пумозь

30 дугдылонниос пуктозы Ижкарын 2017-тӥ ар пумозь

Фото: Алексей Арзамасцев
Ижкар / Удмуртиын

30 дугдылонниос пуктозы Ижкарын 2017-тӥ ар пумозь. Со сярысь кар администрацилэн пресс-службаяз ивортӥзы.

Площадкаосты но выль паивльонъёс доры пыронъёсты тупатъян ужез нуоз Сюресъёсты тупатъян-возёнъя управление. Огъетъёсты лэсьтоз но пуктоз «Адат» огазеяськон. Дугдылонниосты пуктон ужез 2017-тӥ арын 1-тӥ куарусёнлы йылпумъяны чаклало.

Кызьы валэктӥзы муниципалитетлэн пресс-службаяз, выль павильонъёс кылдозы отын, кытын соосты судлэн пуктэмезъя утялтӥзы вал. Со сяна, 8 огъетъёс резервын.

Нялтас вераса, кар тӧрлыкъёс ивортэмъя, Ижкарысь дугдылонниосын вандалъёс арнялы быдэ 20–30 пиялаосты сӧро. Кемалась ӧвӧл тодмотэм муртъёс Т. Барамзина, 9-тӥ Толшор, 9-тӥ Подлесной, Молодёжной ульчаысь павильонъёсты изъянтӥзы.

«Изъянтэм яке лушкам сюрес пусъёсты, карез умоятон-чебертон арбериосты, пильылэм пиялаосты воштон понна кар коньдэтысь, озьыен асьме вытъёсысь, ватсаса уксё висъяно луэ», — пусйизы пресс-службаын но карез утялтон-чебертон арбериосты тӥян учыръёс сярысь телефон пыр ивортылыны куризы — 02 (кар) яке 102 (мобильной).

Тодэ вайытом, 2016-тӥ ар кутсконысен Ижкарын 21 дугдылонниез изъянтӥзы. 15-сэ со пӧлысь кылем арын тарказы, эшшо куатьсэ 2017-тӥ ар кутсконысен.

Иворъёсъя «Удмуртия» агентство ужъёсты быдэстыны чаклам Ижкарысь урамъёсын карта кылдытӥз.

Партнеры

Загрузка...
Иворъёс

Куинь сквер усьтозы Ижкарын гужем пумозь

17.05.2017 09:48