17.05.2017 17:23
Иворъёс
Интыысь интые ветлӥсь бадӟым адӟытон дасяны малпа Удмуртия Михаил Калашниковлэн 100 ар тырмонэзлы

Интыысь интые ветлӥсь бадӟым адӟытон дасяны малпа Удмуртия Михаил Калашниковлэн 100 ар тырмонэзлы

Фото: Григорий Фомин
Ижкар / Удмуртиын

Михаил Калашниковлэн 100 ар тырмонэзлы интыысь интые ветлӥсь бадӟым адӟытон кылдытэмын луоз. Туннэ, 17-тӥ куартолэзе, сыӵе кичӧлтонлы дурбасьтӥзы конструкторлэсь юбилейзэ пусъёнлы дасяськонъя кенешонэ пыриськисьёс. Кызьы вераз Удмуртилэн тӧроезлэсь ужзэ огдырлы быдэсъясь Александр Бречалов, возьматонэз Россиысь гинэ каръёсын адӟыны кулэ ӧвӧл.

«Ми ваньзэ лэсьтомы, та адӟытон Россиысь гинэ ӧвӧл, быдэс дуннеысь бадӟым каръёсын мед ортчоз шуыса», — вераз со журналистъёслы.

Кенешонын юбилеез пусъёнъя трос ӵектонъёсты эскеризы. Пыриськисьёс огкылэ вуизы, конструкторлэн юбилеез «туж умой луонлык возьматыны кунлы но дуннелы, 2019-тӥ арын Ижкар — одно ик вуылыны кулэ луись интыос пӧлын».

Чузъяськем ӵектонъёс пӧлын — дзюдоя Калашников нимо калыккуспо ӵошатсконэз ортчытон, театр возьматонъёс но документальной фильм, музеез азинтон, синпель коньдон но маркаос поттон но трос мукетыз.

Озьы ик 2019-тӥ арозь Иж тыметлэсь ярдурзэ но Ижкарлэсь одӥгзэ тодметсэ — Ижмашлэсь башнязэ — выльдыны чакламын. Кӧня ке объектъёс федерал коньдонэз кутытэк, концесси улсын яке кун но ужбергатон валче вылысь, выльдэмын луыны быгатозы.

Рос-просгес дасям ужанрадлыкен тодматыны малпало радъясь комитетлэн нырысетӥ кенешонэз бере, Россилэн вице-премьерез Дмитрий Рогозин кивалтэм улсын со Ижкарын 25-тӥ куартолэзе ортчоз.

Та темая вань иворъёсты лыдӟе «Михаил Калашниковлы 100 ар тырмонэз пусъён» сюжетысь


Партнеры

Загрузка...
Журналист утчаськомы
Иворъёс

Михаил Калашниковлэн юбилеезлы синпель коньдон но марка поттозы

17.05.2017 16:41