11.08.2017 11:35
Иворъёс
25-тӥ но 26-тӥ гудырикошконэ Воткаын Карлэсь нуналзэ пусъёзы

25-тӥ но 26-тӥ гудырикошконэ Воткаын Карлэсь нуналзэ пусъёзы

Фото: Григорий Фомин
Вотка / Удмуртиын

25-тӥ но 26-тӥ гудырикошконэ Вотка 82-тӥзэ вордӥськем нуналзэ кар инлыкен пусъёз, ивортэ муниципалитетлэн пресс-службаез. Радъясьёс программаез пӧртэм арлыдъем адямиослэсь тунсыкъёссэс лыдэ басьтыса кылдытӥзы.

Удмуртарняе, 25-тӥ гудырикошконэ, «Южный» микрорайонын мотоциклэн ворттылонъёс, концерт, рэп-фестиваль, байк-шоу, творчествоя но спортъя вожвылъяськонъёс ортчозы.

Валтӥсь ужрадъёс кӧснуналлы, 26-тӥ гудырикошконлы, чакламын. «Юбилейный» культура двореце пырон азьын валтӥсь сцена ужалоз. Сӥё-дано усьтонын радъясьёсыз карлэн историез, котырес датаос, Воткаын улэм но улӥсь нимо-дано адямиос сярысь вералозы. «Юбилейный» дворецлэн бадӟым залаз нырысетӥ классэ мынӥсьёс понна сяме пыӵам шулдыръяськон луоз.

«Знамя» стадионын футболэн шудонъя Кар тӧролэн кубокез понна вожвылъяськонлэн йылпумъян люкетэз ортчоз, вань мылкыд карисьёс ГТО куронъёсты быдэстыны но ӵошатсконъёсы пыриськыны быгатозы.

Озьы ик пӧртэм аттракционъёс ужалозы, велосипедэн ворттылӥсь покчиос понна мини-велогонка радъялозы. Со сяна, тыметын тӧлпо спортъя академилэн ёзэтаз дышетскисьёслэсь быгатонлыкъёссэс адӟыны луоз.

Ӝытазе Воткаын улӥсьёсты ӟечкылалозы Удмуртилэн шоркарысьтыз крезьгуро группаос. Праздниклы сӥзем концертлэн валтӥсь кизилиез луоз Сати Казанова.

Партнеры

Загрузка...
Иворъёс

Удмуртиысь устозэ батырез быръёзы Глазкарын «Идна-батыр» шудонъёсын

10.08.2017 17:57
Иворъёс

Удмуртиын 93 процентлэсь тросэз дышетон ужъюртъёс выль дышетскон арлы дасесь

11.08.2017 09:59