03.10.2017 12:41
Иворъёс
Удмурт егитъёслэн элькун форумзы ортчоз Ижкарын шуркынмонэ

Удмурт егитъёслэн элькун форумзы ортчоз Ижкарын шуркынмонэ

Фото: vk.com (УМОО "ШУНДЫ")
Ижкар / Удмуртиын

2017-тӥ арын шуркынмонэ Ижкарын удмурт егитъёслэн элькун форумзы ортчоз. 2-тӥ коньывуонэ Удмуртилэн тӧроез Александр Бречалов «Удмурт Кенешлэн» азьветлӥсьёсыныз пумиськон дыръя со сярысь вераз огазеяськонлэн тӧроез Татьяна Ишматова.

«Жаляса верано, кылем арын пӧртэм мугъёсъя ми сое ортчытыны ӧм быгатэ, таяз арын ми солэсь учкетсэ дасяны луонлык басьтӥмы. Малпасько, егитъёслэн «Шунды» огазеяськонэнызы, йӧскалык политикая министерствоен, егитъёсын ужанъя министерствоен ӵош ми со форумез шуркынмонэ одно ик ортчытомы», — пусйиз Татьяна Ишматова.

Удмурт егитъёслы форум — туж кулэ ужрад, вераз журналистъёслы «Шунды» огазеяськонлэн тӧроез Алина Чернова. Али пиналъёс, студентъёс понна трос ӵектосъёс улонэ пыӵатӥсько, ужась егитъёс палэнэ кылё, нош соослэн туж трос тунсыко малпанъёссы, шуэ со.

«Таӵе люкаськонын, таӵе форумын, мон малпасько, быгатӥсь адямиосын, экспертъёсын ужаса, ми кылдытысалмы трос выль проектъёс, трос егитъёслэсь сюлмаськонъёссэс, мылкыдъёссэс кылысалмы но валасалмы но собере пайдаё ужез быгатысалмы лэсьтыны
Алина Чернова, удмурт егитъёслэн «Шунды» огазеяськонзылэн тӧроез

Удмуртилэн тӧроез Александр Бречалов пусйиз, егитъёсын ужан — куинь валтӥсь ужпумъёс пӧлы пырыны кулэ. Форумлэсь учкетсэ (концепцизэ) матысь нуналъёсы возьматыны куриз.

«Милям вань удысужлыко (профессиональной) командаос, кудъёсыз формаезъя но пуштросэзъя туж усто ужрадъёс ортчытылӥзы, но пуштросэз тӥ киын. <…> Асьмелы уг яра ужрадэз немыз понна гинэ ортчыны, ортчытэм ужрадмы егитъёслэн кулэяськонъёссылы ӧз ке тупа, асьмеос «минусэн» ужаломы», — вераз люкаськемъёслы элькунлэн тӧроез.

Со таяз арняе ини пусйыны куриз, кинэ ӧтёзы та ужрадэ. Кылсярысь,  Финн-угор калыкъёслэн дунневыл конгрессэнызы кусып возёнъя Росси азьмуртлэсь нимысьтыз оскем муртсэ Николай Меркушкинэз одно ик ӧтьыны дэмлаз. Александр Бречалов верамъя, ужрад сяме пыӵаны но калыккуспо инлык басьтыны кулэ, «егит финн-угоръёс котькуд ар Удмуртие мед ветлозы».

Партнеры

Загрузка...
Статьяос

Россиысь финн-угор калыкъёслэн 6-тӥ ӧтчамазы пуктэм ужпумъёс валамонэсь но быдэстымонэсь

02.10.2017 17:48
Иворъёс

Александр Бречалов: Удмурт лулчеберетъя центр пумысен ужкагазъёс 2018-тӥ арлэн нырысетӥ ӝыныяз дась луыны кулэ

02.10.2017 18:14