05.10.2017 12:07
Иворъёс
Иж тымет вадьсытӥ «Русские Витязи» группа лобоз

Иж тымет вадьсытӥ «Русские Витязи» группа лобоз

Фото: vk.com (РУССКИЕ ВИТЯЗИ)
Ижкар / Удмуртиын

21-тӥ коньывуонэ Иж тымет вадьсытӥ «Русские Витязи» пилотажной группа лобоз. Иворъёсъя «Удмуртия» агентстволы со сярысь вераз контрактъя ожгар службае быръёнъя улосвыл пунктлэн кивалтӥсез Сергей Родинко.

Истребительёс «Военная служба по контракту в Вооруженных Силах Российской Федерации — твой выбор!» ивортодэт ужрад улсын лобозы. Ужрадъёс 10 часын кутскозы. Нырысь ик Атыкай музъемез гажан мылкыд пыӵатонъя клублэн марш-бросокез ортчоз, нош тыметлэн ярдураз ужрадъёс 11 часлы матын ӧдъялозы. Пилотажной группалэн возьматонэз чакланъёсъя 12 час 40 минутэ кутскоз.

«Туж тунсыко луоз. Дунне вылын та группа гинэ „секыт истребитель“ классысь самолётъёсын возьматонъёс лэсьтэ
Сергей Родинко

«Витязьёс» Удмуртилэн шоркараз нырысьсэ вуизы. Сергей Родинколэн верамезъя, лобанзылэн дырыз но возьматонзы куазен герӟаськемын луоз. Чакланъёсъя, Ижкарын улӥсьёс «Витязьёсты» 20–30 минут ӵоже учкыны быгатозы.

ВАТСАН

«Русские Витязи» — Россиысь Ожгар омыр кужымъёслэн вылӥ пилотажъя авиаци группаез, солэн дунне рекордъёсыз вань. Интыяськемын Москва улосвылысь Кубинка аэродромын. Россиысь обороная министерстволэн 2014-тӥ арын кутскем «Служба по контракту — твой выбор» ужрадэз улсын пилотажной группа Санкт-Петербургын, Севастопольын, Ростов-на-Дону карын, Самараын, Омскын но Архангельскын быгатонлыкъёссэ возьматӥз ни.


Партнеры

Загрузка...
Иворъёс

Венгриысь ансамбль этнокультурая «Палэзян» финн-угор фестивале пыриськоз

05.10.2017 11:17