Понедельник, 23 октября 2017
Ижевск -1°C
09.10.2017 15:43
Иворъёс
Александр Бречалов Михаил Калашниковлэн 100 ар тырмонэзлы дасяськон сярысь: тыршомы валче вылысь коньдон висъян программаосы пырыны

Александр Бречалов Михаил Калашниковлэн 100 ар тырмонэзлы дасяськон сярысь: тыршомы валче вылысь коньдон висъян программаосы пырыны

Фото: пресс-служба главы и правительства Удмуртии
Ижкар / Удмуртиын

Тодмо конструкторлэн Михаил Калашниковлэн 100 ар тырмонэзлы объектъёсты лэсьтон понна Удмуртиысь тӧрлыкъёс валче вылысь коньдон висъян программаосы пырыны тыршозы. Элькунлэн тӧроез Александр Бречалов со сярысь вераз 7-тӥ коньывуонэ ортчем пресс-конференциын.

Юбилейлы дасяськонын одӥгез валтӥсь сюлэмшугъяськон — вань объектъёсъя проектно-сметной ужкагазъёслэн ӧвӧлтэмзы.

«Мон вераны кулэ, ми дасяськонъя «улӥысен чемпионъёс». Милям ӧвӧл шуыны луоз объектъёс, кудъёсызъя Инвестициосъя федерал программа улсын валче вылысь коньдон курыны быгатысалмы. Малы? Малы ке шуоно милям ӧвӧл выльдэм проектно-сметной ужкагазъёс но экспертиза, асьме учырын — Приволжск федерал округын, Казаньын
Александр Бречалов, Удмуртилэн тӧроез

Улосвыл кивалтӥсьлэн верамезъя, али кивалтэтлэн тӧроеныз Ярослав Семёновен ӵош валтӥсь ӵектосъёсты быръёзы, кудъёсызлы ужкагазъёс дасялозы, элькун коньдэтын уксё чаклалозы. Нош 2019-тӥ арын Удмуртия пӧртэм программаосы пырыны тыршоз.

«Юбилеез пусъёмы. Нырысь ик герӟаськемын луоз интыысь интые ветлӥсь адӟытон выллем ужрадъёсын, пӧртэм улосвылъёсын но кунъёсын тросгес адямиос мед тодозы Калашниковлэсь ужамзэ. Луозы мукет но ужрадъёс. Но эшшо одӥг пол верасько, проспектъя коньдон понна нюръяськыны луэ вылэм. Но со ужез азьланьын лэсьтыны кулэ ай», — пусйиз улосвыллэн тӧроез.

Александр Бречалов озьы ик пусйиз, али «Калашников» концернэн но предприятилэн кивалтӥсеныз Алексей Криворучкоен ӵош пыӵал тӥрлык поттон заводлэн валтӥсь корпусэз пумысен вераськонъёс мыно шуыса. Вашкала юртэз выльдыны туж трос коньдон кулэ, ӵектэмын калыклэсь но уксё люканы, но кыӵе ке пумкылъян кутэмын ӧвӧл на.

Тодэ вайытом, тодмо конструкторлэн юбилеезлы интыысь интые ветлӥсь бадӟым адӟытон кылдытозы шуыса тодмо луиз таяз арын куартолэзе.

Азьвылгес дзюдоя Калашников нимо калыккуспо турнир ортчытыны, документальной фильм лэсьтыны, музеез азинтыны, юбилейлы сӥзем коньдон но марка поттыны ӵектонъёс веразы вал.

Нялтас вераса, юбилейлы сӥзем ужрадъёслы кутскон сётӥз ни Михаил Калашниковлы Москваын синпелетэз усьтон.

Партнеры

Загрузка...
Статьяос

Философской но лирической кырӟанъёс но рэп чузъяськозы «Элькуновидение» вожвылъяськонын Ижкарын

09.10.2017 12:50
Иворъёс

Калык эктонъя «Купанча» элькун вожвылъяськонэ куриськонъёсты берпуметӥ арня куто

09.10.2017 11:47